मलेसियाका लागि नवनियुक्त उपनियोग प्रमुख मुदिता बज्राचार्यलाई मलेसियामा स्वागत

आगमनखबर संवाददाता

मलेसिया । गैर आवासीय नेपाली संघ (एनआरएनए) मलेसिया र नेपाल आदिवासी जनजाति महासंघ मलेसियाले नवनियुक्त नेपाली राजदुतावासका उपनियोग प्रमुख मुदिता बज्राचार्यलाई स्वागत गरेको छ ।

शुक्रबार मलेसियाको क्वालालम्पुरमा रहेको गैर आवासीय नेपाली संघ (एनआरएनए) को सभाहलमा गैर आवासीय नेपाली संघ एनआरएनए मलेसिया र नेपाल आदिवासी जनजाति महासंघ मलेसियाको संयुक्त आयोजनामा एक कार्यक्रम गरि नवनियुक्त उपनियोग प्रमुख मुदिता बज्राचार्यलाई स्वागत गरिएको हो ।

गैर आवासीय नेपाली संघ एनआरएनए मलेसियाको संस्थापक अध्यक्ष शंकर बहादुर पौडेलको सभापतित्वमा र नेपाली राजदुतावास का नवनियुक्त सायक राजदूत मुदिता बज्राचार्यको प्रमुख आतिथ्यमा भएको कार्यक्रममा नेपाली राजदुतावासका द्वितीय सचिव प्रेम बहादुर बुढाथापका रहेका थिए ।

कार्यक्रमका प्रमुख अतिथि रहेका नवनियुक्त उपनियोग प्रमुख मुदिता बज्राचार्यले नेपाली राजदुतावासबाट हुँदै आएको सहकार्यमा कमि हुन नदिने र अझ मजबुत बनाउने कोसिस गर्ने प्रतिबद्धता जनाए ।

त्यस्तै स्वागत मन्तब्य राख्दै आदिवासी जनजाति महासंघका अध्यक्ष बिपिनले आउने दिनहरुमा उपनियोग प्रमुखले बिगतको दिनहरुमा जस्तै श्रमिकको समस्य हल गर्नको लागि पछि नपर्न अनुरोध गरेका थिए। भने त्यसैगरी गैर आवसिय नेपाली संघ एनआरएनएको तर्फबाट आफ्नो मन्तव्य राख्दै उपाध्यक्ष हेमराज सापकोटाले संघले विगतका दिनहरुमा दुतावाससंग सहकार्य रहदै आएको र उक्त कार्यहरुलाई थप निरन्तरता दिदै अघि बढ्नुपर्ने बताए ।

• Categories
• #सम -सामयिक