एनआरएनए मलेसियाको ८ औं राष्ट्रिय अधिवेशन सँगै सांगीतिक प्रस्तुति हुने

आगमनखबर संवाददाता

मलेसिया । गैंर आवासीय नेपाली संघ राष्ट्रिय समन्वय परिषद् मलेसियाको ८ औं राष्ट्रिय अधिवेशन यहीँ जुलाई ३० मलेसिया स्थित क्वालालम्पुर केलमा रहेको होटल ग्रान्ड कन्टिनेन्टलमा हुने भएको छ ।

मलेसियाको ८ औं राष्ट्रिय अधिवेशनलाई सफलपार्न र मनोरञ्जनात्मक बनाउन नेपालबाट आमन्त्रित नेपाली राष्ट्रिय कलाकारहरु एलिना रायमाझी, सोभा त्रिपाठी, आनन्द कार्की, नम्रता सापकोटा लगायत विभिन्न स्थानीय कलाकारहरुले आफ्नो सांगीतिक प्रस्तुति समेत पस्किने कार्यक्रम रहेको महासचिव रन्जित क्षेत्रीले जानकारी दिनुभयो ।

कार्यक्रममा मलेसियामा श्रमिकको क्षेत्रमा सक्रिय रहि नेपाली श्रमिककै निम्ति पत्रकारिता गर्दै आएका पत्रकार, सञ्चारकर्मी, त्यस्तै मलेसियाबाटै पनि फुटबल खेल क्षेत्रमा योगदान पुर्‍याई नेपालको नाम उच्च राख्ने खेलाडी हरु, निर्वाचन समिति लगायतका विभिन्न व्यक्तित्वहरुलाई सम्मानित गरिने कार्यक्रम समेत तय भएको महासचिव क्षेत्रीले बताए ।

एनआरएनए मलेसियाका अध्यक्ष बिनोद बहादुर थापाले यहाँ कार्यरत नेपाली श्रमिकहरु, व्यापारी, ब्यावसायी, पुर्व एनआरएनए अभियान्ता, समाजसेवी लगायत सबै नेपालीलाई अधिवेशन कार्यक्रममा उपस्थितिको लागि अनुरोध गर्नु भएको छ ।

• Categories
• #देश–विदेश