प्रवासी नेपाली समन्वय समिति मलेसिया र गैर आवासीय नेपाली संघ मलेसियाद्वारा बिरामीको उद्धार

आगमनखबर संवाददाता

मलेसिया । प्रवासी नेपाली समन्वय समिति मलेसिया गैर आवासीय नेपाली संघ मलेसियाले ताप्लेजुङ सिरिजङ्घा १ का भिमबहादुर खत्रीलाई उद्धार गरि मलेसियाबाट गत अगष्ट २७ तारिख नेपाल फर्काएको छ ।

वैदेशिक रोजगारीको सिलसिलामा १० बर्ष पहिला मलेसिया छिरेका खत्री आफु आएको कम्पनीमा २ बर्ष काम गरेर आफु आएको रोजगारदाता कम्पनी छाडेर ८ बर्ष देखि अवैधानिक हैसियतमा मलेसियाको एक सेक्युरिटी कम्पनीमा काम गर्दै आएका थिए ।

उनी विगत २ महिना देखि बिरामी परेर थलिएका थिए उनलाई आफु काम गर्दै गरेको ठाउमा काम गर्ने क्रममा उच्च रक्त चाप भएको कारण सिकिस्त परेका खत्री गत अगष्ट ४ तारिख पीएनसीसी मलेसियाको सम्पर्कमा आएका थिए ।

उनलाई पीएनसीसीको सम्पर्कमा आएपछि खत्रीको थप उपचारमा सहजता होस भनेर नेपाल फर्काउन पहल गरिएको प्रवासी नेपाली समन्वय समिति मलेसियाका संयोजक मछिन्द्रनाथ चापागाईले बताउनुभयो ।

खत्रीलाई प्रवासी नेपाली समन्वय समिति पीएनसीसीको पहलमा र मलेसियामा रहेको विभिन्न संघ संस्था साथै उनका साथीहरूको सहयोगमा मलेसियामा स्थित नेपाली राजदुतावास संग समन्वय गरि नेपाल फर्काइएको हो ।

अगष्ट ८ तारीख नेपाली राजदुतावासबाट अनुमतिपत्र लिई २५ तारिख मलेसियाको (Immigration) अध्यागमन पुगेर नेपाल फर्कदा दिनुपर्ने जरिवाना ३१ सय मलेसियान रिङ्गेट अध्यागमनलाई बुझाएको थियो ।

सो अध्यागमनलाई बुझाएको ३१ सय रिङ्गेट भिमबहादुर खत्री संगै काम गर्ने नेपाली साथीहरुले चन्दा संकलन गरेका थिए। अन्तराष्ट्रिय नेपाली समाज मलेसिया र गैर आवासीय नेपाली संघ मलेसियाका अध्यक्ष बिनोद थापाले नेपाल फर्किने हवाई टिकट उपलब्ध गराउनु भएको थियो।

त्यसैगरी उनलाई खान बस्न र एयरपोर्ट सम्म पुर्‍याउन समाजसेवी मिलन लिम्बुले गर्नुभएको थियो । खत्रीलाई नेपालमा पीएनसीसीले सेल्टर हाउसमा राखी आफन्त परिवारलाई जिम्मा लगाउने तयारी गरिरहेको पीएनसीसी मलेसियाका स्वयंसेवक पुर्ण लिम्बूले जानकारी दिनुभयो ।

• Categories
• #देश–विदेश