नेपाल रेडक्रस सोसाईटी जिल्ला शाखा खोटाङको सभापतिमा जोशी विजयी

आगमनखबर संवाददाता

खोटाङ । नेपाल रेडक्रस सोसाईटी जिल्ला शाखा खोटाङको सभापतिमा ज्ञानेन्द्र जोशी विजयी भएका छन। बुधबार भएको निर्वाचन प्रक्रियाबाट जोशी सभापतिमा विजयी भएका हुन्।

सभापतिका लागि वर्तमान सभापति कुमार सिं बस्नेत र जोशीवीच निर्वाचन भएको थियो। वर्तमान सभापति बस्नेतलाई १२ मतले पछि पार्दै जोशी सभापतिमा विजयी भएका हुन्। जोशीले ५१ मत पाउँदा बस्नेतले ४० मत पाएका थिए। जम्मा ९२ मत खसेको थियो। १ मत बदर भएको थियो।

यस्तै, उपसभापति भीम सैजु, महिला उपसभापतिमा रत्नमाया बुढाथोकी, मन्त्रीमा छत्र बजिमय कोषाध्यक्षमा लिला बहादुर खत्री, उप मन्त्रीमा पर्शु विक र उप कोषाध्यक्षमा अशोक आचार्य विजयी भएका छन्।

सबै महिला पदाधिकारी, उपसभापति, मन्त्री, कोषाध्यक्ष र उप कोषाध्यक्ष भने सर्वसहमत चयन भएको हो । पुरुष सदस्यहरु यम बहादुर निरौला, कृष्णप्रसाद आचार्य, ज्ञान प्रसाद आचार्य, शिबकुमार बस्नेत, ईश्वर बस्नेत, छत्र बशादुर केसी, अर्जुनकुमार राउत विजयी भएका छन्। महिला सदस्यमा उर्मिला दाहाल, कमलादेबी खतिवडा र कमला रिजाल चयन भएका छन्।

रेडक्रसका पदाधिकारीहरुको म्याद सकिएको र केन्द्रले म्याद नथपेपछि पुस ७ गतेभित्रमा नयाँ पदाधिकारी चयन गर्न भनेपछि निर्वाचन भएको हो। १२७ जना मतदाता भए पनि ९२ जनाले मात्रै मतदान गरेका थिए।

• Categories
• #सम -सामयिक