गजल: चुनाव आउनै लाग्यो रक्सिमासुको खेल सुरु हुन्छ !

रबिन खड्का (खोटेहाङ ९ रमाइलो)

हो, सज्जनहरूलाई अपजसको जेलनेल सुरु हुन्छ ।

चुनाव आउनै लाग्यो रक्सिमासुको खेल सुरु हुन्छ ।

हेर्दै जानुस् काका सोझा रुखहरू सब काटिनेछन् । 

एउटा टिकट कै लागि यहाँ  जालजेल सुरु हुन्छ ।

कार्यकर्ता भएर हिजो तपाईंँ र म खुब जुझ्यौँ बाझ्यौँ 

अब हाम्रा नेताहरू स्वार्थकै लागि तालमेल सुरु हुन्छ ।

दबैपानी नपाएर अकालमा छोरो मरेको बिर्सनु भो ? 

नपत्याउनुस् है! जित्नकै लागि गफको भेल सुरु हुन्छ ।

पोहोर साल गाउँमा रातारात कुहिएको चामल बाँडे रे !

सावधान! चुनावको नाममा विकृतिको झेल सुरु हुन्छ । 

• Categories
• #लेख रचना/कबिता