हलेसीका संक्रमितलाई अक्सिजन सहितको आइसोलेसन सेन्टरमा लगियो

आगमनखबर संवाददाता

खोटाङ । हलेसी तुवाचुङ नगरपालिकाको पहलमा रोयल होटलमा सन्चालन गरिएको अक्सिजन सहितको आइसोलेसन सेन्टरमा संक्रमित लगिएको छ ।

कोभिड–१९ बाट संक्रमण पुष्टि भएका हलेसी तुवाचुङ नगरपालिका–५ दुर्छिमका संक्रमितलाई बुधबार साँझ आइसोलेसन सेन्टर लगिएको हो ।

संक्रमितको स्वास्थ्यमा थप समस्या देखिन थालेपछि हलेसी तुवाचुङ नगरपालिका–७ महादेवस्थान हलेसीस्थित रोयल होटलमा अक्सिजन सहितको आइसोलेसन पुर्‍याइएको नगर उपप्रमुख बिमला राईले आगमनखबरलाई बताउनुभयो ।

नगरपालिकामा बैशाख २६ गते गरिएको एन्टीजेन परीक्षणमा ११ जनालाई संक्रमण पुष्टि भएको थियो ।

नगर उपप्रमुख बिमला राईले माहामारीको यो अवस्थालाई मध्यनजर गर्दै कोरोना संक्रमितले एम्बुलेन्स नपाएर समयमै अस्पताल नपुग्दा ज्यानै जाने सम्भावना रहेकाले नगर भित्रका नागरिकलाई सो हुन नदिन आफूले प्रयोग गर्दै आएको बा १ झ ६४२४ नम्बरको गाडी सोमवार बिहान स्वास्थ्य शाखालाई दीई एम्बुलेन्सका रुपमा सन्चालनमा आएको सोही गाडीमार्फत सान्क्रमितलाई आइसोलेसन सेन्टर लगिएको हो ।

नयाँ भेरीयन्ट सहितको कोरोना भाईरसको महामारी तिब्र गतिमा फैलिरहेको अबस्थामा नगरपालिकाले हलेसीस्थीत रोयल होटलको पुरानो भवनमा नगरभित्रका संक्रमितहरुको उपचारका लागि होटलको १६ वटा कोठामा ३२ बेडको आइसोलेसन सेन्टर निर्माण गरिएको नगर उपप्रमुख राईले बताउनुभयो ।

राइले गरेको सहरणीय कार्यले आवश्यक अनुसार सुबिधा लिन पाउदा नगरबासीमा खुशी छाएको छ ।

• Categories
• #दोस्रोपटक कोरोना महामारी