सेवाग्राहीहरुले बचत गरेको रकम कुम्लायर महालक्ष्मी बचत तथा ऋण सहकारीका सन्चालक फरार

नरेन्द्र कुमार महतो

धनुषा। श्री महालक्ष्मी बचत तथा ऋण सहकारी संस्थाले बचतमा जम्मा गरिएको पैसा अनिमियता गरेपछि पीडित बचतकर्ताहरु आक्रोश बनेका छन ।

क्षीरेश्वरनाथ नगरपालिका ५ महेन्द्रनगरमा रहेको श्री महालक्ष्मी बचत तथा ऋण सहकारीले बचत गरिएको रकम अनिमियता गरेको भनी संस्थाका संचालक समितिका कार्यबाहक अध्यक्ष मनोज सिंहलाई केही समय शौचालयमा थुनी बाहिरबाट ताला लगाएका थिए।

आगमनखबर सँग कुरा गर्दै एक बचतकर्ताले भने संस्थाका अध्यक्ष मनोज सिंहले आफुहरुले बचत गरेको रकम माग गर्दा रकम फिर्ता गर्न आलटाल गरी फिर्ता नदिएकाले आफुहरुले बचत गरेको रकम आवश्यक पर्दा निक्काल्न नपाउदा बाध्य भएर शौचालयमा थुनेको बताएका छन।

आइतबार संस्थाको बैठक छ भनेर आफुहरुलाई बोलाएको तर संस्थाका संचालक समितिका पदाधिकारीहरु नै नआएपछि आक्रोशित बनेको पीडित बचतकर्ता सेवाग्राहीहरुले कार्यबाहक अध्यक्ष सिंहलाई समातेर नयाँ बजारस्थित सार्वजनिक शौचालयमा करिव आधा घण्टा थुनेपछी ईलाका प्रहरी कार्यालय महेन्द्रनगरले अध्यक्ष सिंहलाई शौचालयबाट बाहिर निकाली नियन्त्रणमा लिएको छ ।

अध्यक्ष सिंहका अनुसार संस्थाले हाल बचतकर्ताहरुको करिव पौने २ करोड रुपैयाँ फिर्ता गर्नुपर्ने अवस्था रहेको छ । तर संचालक समितिका अरु पदाधिकारीहरु गायव भएपछि आफु बचतकर्ताहरुको दवाव झेल्न बाध्य भएको बताएका छन ।

संचालक समितिका पदाधिकारीहरु संस्थाको पैसाले आफ्नो निजी कारोबार घरघडेरी किन्ने, छोराछोरीलाई विदेश पढ्न पठाउने र संस्थालाई डुबाएर सबैको बचत गरिएको रकम आफ्नो मोज मस्ती गरी खाने पचाउने गरेको बचतकर्ताहरुको आरोप छ ।

बचतकर्ता सेवाग्राहीहरुका अनुसार करिव एक वर्षदेखि संस्थाको कार्यालय बन्द रहेको भएपनि पछाडीको गेट खोलेर बेला बेलामा संचालक समितिले बैठक तथा कार्यलय संचालन गर्दै आएको खबर पाएपछि यघअघि तीन जना कर्मचारी पनि भित्र थुनेर गेटमा ताल्चा लगाएका थिए ।

संस्थाका बचतकर्ता सेवाग्राहीहरुले बचत रकम फिर्ताका लागी माग गरेका छन् । संस्थामा वर्षौदेखि मेहनतले कमाएको पैसा दैनिक बचत जम्मा गरेको भएपनि संस्था बन्द गरी संचालक समितिले पैसा घोटाला गरेको बचतकर्ता दिनेश साहले बताए ।

संस्थाबाट आफुले ५ लाख रुपैयाँ बचत फिर्ता लिनुपर्ने शाहले बताएका छन् । सो संस्थाले सयौ सेवाग्राहीको बचत रकम गोलमाल गरेको पीडित बचतकर्ता महिला सिता साह बतौलीले बताइन् । महेन्द्रनगरमा एक समयमा निकै चर्चित रहेको श्री महालक्ष्मी बचत तथा ऋण सहकारी संस्थाका संचालक समितिका पदाधिकारीहरुले सेवाग्राहीको बचत रकम गोलमाल गरी फरार हुनुले बचतकर्ताहरु थप आक्रोस बनेका छन ।