सुनको मुल्यमा भारी गिरावट: एकैदिन १८ सय रुपैयाँले घट्यो

आगमनखबर संवाददाता

काठमाडौ । हप्ताको तेस्रो दिन मंगलबार नेपाली बजारमा सुनको मूल्यमा गिरावट आएको छ। नेपाली बजारमा मंगलबार सुनको मूल्य तोलामा १८०० रुपैयाँले घटेको छ ।

सोमबार तोलामा ९४ हजार ३०० रुपैयाँमा कारोवार भएको सुनको मूल्य मंगलवार १८ सय रुपैयाँले घटेर ९२ हजार ५ सय रुपैयाँमा कारोवार भईरहेको नेपाल सुनचाँदी महासंघले जनाएको छ।

त्यस्तै तेजावी सुन तोलामा ९२ हजार रुपैयाँमा कारोबार भएको छ।
मंगलबार चाँदीको मूल्यमा पनि गिरावट आएको छ । सोमबार तोलामा १२१० रुपैयाँमा कारोबार भएको चाँदी मंगलबार तोलामा ११८० रुपैयाँमा कारोबार भएको महासंघले जनाएको छ ।

• Categories
• #अर्थतन्त्र