जुम्लाका प्रमुख जिल्ला अधिकारीलाई कोरोना सङ्क्रमण पुष्टि

आगमनखबर संवाददाता

जुम्लाका प्रमुख जिल्ला अधिकारी  भुपेन्द्र थापामा कोरोना सङ्क्रमण पुष्टि भएको छ ।

प्रमुख जिल्ला अधिकारी थापाको कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा स्वाब परीक्षण गर्दा रिपोर्ट पोजेटिभ आएको प्र जि अ थापाले बताउनु भयो ।   

कोरोना रोकथामका लागि अग्रमोर्चामा खटिनुभएका थापा आफैं सङ्क्रमित भएपछि आइसोलेशनमा बसेको भन्दै उहाँले सामाजिक सञ्जाल फेसबुकमार्फत जानकारी गराउनुभएको छ ।

उहाँले आफू सङक्रमित  भएपछि आइसोलेशनमा रहेको र कार्यालयको कामको लागि सहायक प्रमुख जिल्ला अधिकारीलाई फोन नम्बर ९८५८३२०३८० मा सम्पर्क गर्न अनुरोध गर्नुभएको छ ।

थापा दैनिक बैठक, कोरोना सङ्क्रमितसँग भेट र आइसोलेशन व्यवस्थापन गर्न गाउँ गाउँ पुग्नुभएको थियो ।

प्रजिअ थापासहित ६ जनाको नतिजा पोजेटिभ आएको कर्णाली स्वास्थ्य विज्ञान प्रतिष्ठान शिक्षण अस्पताल जुम्लाका अस्पताल निर्देशक डा. मंगल रावलले जानकारी दिनुभयो । 

एक दिनअघि मात्रै जिल्लाको कारागारका कैदीबन्दी सहित ३९ जनामा कोरोना सङ्क्रमण देखिएको थियो ।

• Categories
• #सम -सामयिक
• #स्वास्थ