कोरोना भाइरस संक्रमित सम्पर्क बिहिन

आगमनखबर संवाददाता

आफू कोरोना भाइरस संक्रमित भएको थाहा पाएपछि बुटवलबाट सम्पर्कविहीन भएका दुई जना व्यक्ति अझै सम्पर्कमा आएका छैनन्।

कोरोना संक्रमण आशंकामा लुम्बिनी प्रादेशिक अस्पताल बुटवलमा आफै गएर शुल्क तिरेर स्वाब परीक्षण गराएका उनीहरू शनिवारदेखि सम्पर्कविहीन भएको बुटवल उपमहानगरपालिकाका स्वास्थ्य शाखा प्रमुख कुन्दन सिंहले बताए। उनीहरू बुटवलको हाटबजारमा दालमोट र मसालाको व्यापार गर्थे। 

अस्पतालले स्वाब परीक्षण गर्दा कोरोना पोजेटिभ भेटिएपछि स्वास्थ्य कार्यालयमा जानकारी गराएको थियो। स्वाब परीक्षणको लागि अस्पतालमा आएका उनीहरूले बुटवल– ५ मा आफ्नो ठेगाना लेखाएको उपमहानगरले जनाएको छ।

कोरोना पोजेटिभ भएको थाहा पाएपछि सम्पर्कविहीन भएका उनीहरुको खोजी भइरहेको प्रमुख सिंहले बताए। 

• Categories
• #सम -सामयिक