हेलम्बु गाउँपालिकाद्वारा जनप्रतिनिधि र कर्मचारीको कोरोना बिमा

सुशील सुवेदी

पछिल्लो चरणमा कोरोना भाइरस समुदायमा फैलने खतरा बढ्दै गएपछी हेलम्बु गाउँपालिकाले गाउँपालिका सँग सम्बन्धित पदाधिकारीहरुको कोरोना बिमा गरिदिएको छ।

हेलम्बु गाउँ पालिकाका अध्यक्ष, उपाध्यक्ष लगायत सम्पुर्ण स्थानीय जनप्रतिनिधि, पालिकामा कार्यरत सबैतहका सम्पूर्ण कर्मचारी, सबैतहका शिक्षक तथा सहयोगी कर्मचारीसमेत कुल ३ सय ५२ जनाको कोरोना बिमा गाउँपालिकाले गरिदिएको हो ।आइ एम इ जनरल इन्स्योरेन्स कम्पनी लिमिटेड मार्फत गरिएको उक्त बिमाको अवधि आगामी चैत्र मसान्तसम्म कायम रहने छ ।

सो अवधिभित्र बिमितको पिसिआर रिपोर्ट पोजेटिभ आई संक्रमण पुष्टिभएमा कम्पनीले रु १ लाख प्रदान गर्नेगरी आवधिक बिमा गरिएको आइ एम इ जनरल इन्स्योरेन्स कम्पनी लिमिटेडका वरिष्ठ अधिकृत शुशिला घिमिरेले जानकारी दिनुभयो ।

• Categories
• #सम -सामयिक
• #स्वास्थ