संगै बस्ने श्रीमानको रिपोर्ट पोजिटिभ- श्रीमतीको नेगेटिभ

आगमनखबर संवाददाता

स्याङ्जा,वालिङ नगरपालिका वडा नं -७ का कोरोना संक्रमित एक युवाकी गत ४ महिना अघि विवाह भै संगै बसेकी श्रीमती र आमाबाबूसहित अन्य ५ जना परिवारका सदस्य लगायत निजसंग सम्पर्कमा रहेका गरी २४ जनाको स्वाव परीक्षणको पिसीआर रिपोर्ट नेगेटिभ आएको छ। रिपोर्ट आएपछि परिवार र स्थानीयमा खुसी छाएको छ।

गत मंशिर महिनामा दक्षिण कोरियाबाट घर आई अहिले पुनः कोरिया फर्कने क्रममा काठमाडौमा गरिएको पिसीआर परीक्षणको रिपोर्ट पोजेटिभ आएपछि उनी कोरिया जानबाट रोकिएका थिए ।हाल वालिङ स्थित आइसोलेशनमा उपचाररत रहेका युवामाअसार २१ गते काठमाडौ प्रस्थान गर्नुभन्दा केही दिन अघि टन्सिल र रुघाखोकीको लक्षण देखिई औषधी सेवन गरेको कुरा घर परिवारले बताएको छ।

हाल निजको अवस्था सामान्य रहेको र निजको प्रत्यक्ष संपर्कमा रहेकाहरुको रिपोर्ट समेत नेगेटिभ देखिएपछि स्थानीयवासीमा कोरोना संक्रमणको स्वरुपका विषयमा यसअघि प्रचारित समाचारहरुबाट सृजित त्रास घटेको देखिन्छ भने भाइरसको संक्रमण क्षमता कमजोर हुँदै गएको अडकलबाजी गर्न थालिएको छ।

• Categories
• #सम -सामयिक
• #स्वास्थ