एनआरएनए अध्यक्ष पदका उम्मेदवार श्रेष्ठ, र सचीवका उम्मेदवार पन्थलाई गरे एनआरएनए कम्बोडियाले स्वागत

आगमनखबर संवाददाता

कम्बोडिया । गैर आवासीय नेपाली संघ अन्तर्राष्ट्रिय समन्वय परिषद (एनआरएनए) का उपाध्यक्ष एवम् एनआरएनए अध्यक्ष पदका प्रत्याशी उमेदवार महेश कुमार श्रेष्ठ, र एनआरएनए अमेरिकाका निवर्तमान वरिष्ठ उपाध्यक्ष एवम् एनआरएनए सचिव पदका प्रत्याशी उम्मेदवार कृष्ण जेबी पन्थलाई एनआरएनए एनसीसी कम्बोडियाले कम्बोडियामा भब्य स्वागत गरेका छन् ।

गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को ११ औं महाधिवेशन हुने भए पछि एनआरएनए अध्यक्ष पदका प्रत्याशी उम्मेदवार श्रेष्ठ र एनआरएनए सचिव पदका प्रत्याशी उम्मेदवार पन्थ एनआरएनए अभियानमा युरोपियन मुलक मध्यपूर्व बहराइन, दुवाई, कतार, साउदी, कुवेत हुँदै एनआरएनए एनसीसी मलेसिया संग भेटघाट तथा छलफल सकेर आज कम्बोडिया पुगेका छन् ।

त्यसैगरी एनआरएनए एनसीसी कम्बोडिया संघ आज भेटघाट तथा छलफल गरेर भोलि बिहान ८ बजे एनआरएनए एनसीसी कोरिया संग भेटघाट तथा छलफल गर्ने एनआरएनए अमेरिकाका निवर्तमान वरिष्ठ उपाध्यक्ष कृष्ण पन्थले बताएका छन् ।

श्रेष्ठ गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को आगामी २०२३-२०२५ कार्यकालका लागि अध्यक्ष पदका प्रत्याशी उम्मेदवार हुन्। भने पन्थ गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को २०२३-२०२५ कार्यकालका लागि सचिव पदका प्रत्याशी उम्मेदवार हुन् ।

गैरआवासीय नेपाली संघ एनआरएनए आइसीसीको ११ औं महाधिवेशन तथा गैर आवासीय विश्व सम्मेलन यहीँ महिना अक्टोबरको १७ देखि २० अक्टोबर सम्म असोज ३० गते देखि कार्तिक ३ गतेसम्म काठमाडौंमा हुने भएकोछ। गैर आवासीय विश्व सम्मेलनमा विश्वभरिका ८० देश भन्दा बडीका ४२ सय एनआरएनका प्रतिनिधिहरु सहभागी हुँदैछन् ।