गैरआवासीय नेपाली संघ मध्यपूर्व संयोजकमा पुन: अर्यालको उम्मेदवारी घोषणा

आगमनखबर संवाददाता

साउदी । गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को ११ औं महाधिवेशनमा राजेन्द्र अर्याल पुनएनआरएनए मध्यपूर्व संयोजकमा आफ्नो उम्मेदवारी घोषणा गरेका छन् ।

गैरआवासीय नेपाली संघ एनआरएनए आइसीसीको ११ औं महाधिवेशन तथा गैर आवासीय विश्व सम्मेलन अक्टोबर १७ देखि २० अक्टोबर अर्थात असोज ३० गते देखि कार्तिक ३ गतेसम्म काठमाडौंमा हुने भएकोछ ।

विगत लामो समय देखि साउदीलाई कर्मथलो बनाएर सामाजिक काममा लागेका अर्याल एनआरएनए एनसीसी साउदीको स्थापना देखी एनआरएनएमा आवद्ध भएर एनआरएनए मध्यपूर्वको संयोजक समेत भैसकेका उनले पुन उम्मेदवारीको घोषणा गरेका हुन ।

उनले आफुलाई गैरआवासीय नेपाली संघले आवश्यकता अनुसार दिएको जिम्मेवारी २०२१-२०२३ कार्यकाल इमानदारीपूर्वक सफल रहेको र एनआरएनए अभियानका साथीहरूसंग सहकार्य निकै सौहार्दपूर्ण रहेको बताउदै यो अवसर दिनुभएकोमा गैरआवासीय नेपाली संघका सम्पूर्ण पदाधिकारी, पन्जिकृत सदस्यहरु प्रति कृतज्ञता ज्ञापन गर्दै पुन निरन्तर गर्ने घोषणा गरेका छन् ।

आफ्नो नेतृत्वमा मध्यपूर्व क्षेत्रमा थालनी गरेको र केही नयाँ शुरुआत गर्नुपर्ने कार्यहरुलाई निरंतरता दिनु पर्ने आवश्यकता महसुस गरि यहाँहरुको मार्गदर्शनलाई मनन गर्दै बिगतमा झैँ यहाँहरुको साथ सहयोग र समर्थन प्राप्त हुने विश्वासका साथ पुनः आगामी कार्यकाल २०२३-२०२५ का लागि उल्लेखित प्रतिबद्धता सहित मध्य पूर्व संयोजकको पदमा उम्मेदवारी घोषणा गरेका छन् ।

अर्यालले गरेको घोषणा पत्र जस्ताको त्यस्तै :

१) राहत तथा उद्वार कार्यमा सदैव तत्पर रहँदै स्वदेश फर्कने नेपालीहरुलाई पुन:स्थापनाको लागि नेपाल सरकार र सरोकारवाला संग समन्वय गर्नेछु।

२) बैदेशिक रोजगार ऐन २०६४ लाई पूर्ण रुपमा कार्यान्वयन गर्न/गराउन सरोकारवालाहरु संग पहल गर्नेछु।

३) सामाजिक सुरक्षा कोषमा आबद्ध हुनलाई सम्पूर्ण आप्रवासी नेपालीहरुलाई सहजीकरण गर्नेछु।

४) अन्य सामाजिक संघ/संस्था संग मिलेर सहकार्य गर्नेछु।
५) अन्तर्राष्ट्रिय समन्वय परिषद र मध्यपूर्वका एन सि सि हरु संग सहकार्य गरेर कार्य योजना बनाई कार्यदिशा तय गर्नेछु।

६) मध्यपूर्वबाट पर्यटकहरुलाई नेपाल भ्रमण गर्न अभिप्रेरित गर्न पर्यटन प्रबर्द्धनका कार्यक्रमहरुको आयोजना गर्नेछु।

• Categories
• #देश–विदेश