प्रवासी नेपाली मञ्च राष्ट्रिय कमिटी मलेसियाले गरे पेनाङ्ग राज्यमा पुर्नगठन अध्यक्षमा देवकोटा

आगमनखबर संवाददाता

मलेसिया । नेकपा एमालेको प्रवास संगठन प्रवासी नेपाली मञ्च राष्ट्रिय कमिटी मलेसियाले मलेसियाको पेनाङ्ग राज्यमा पुर्नगठन गरेको छ ।

गत सेप्टेम्बर १७ तारिख पेनाङ्ग राज्यका ईन्चार्ज तथा केन्द्रीय सदस्य राधिका क्षेत्रीको सभापतित्वमा र प्रवासी नेपाली मञ्च राष्ट्रिय कमिटी मलेसियाका केन्द्रीय अध्यक्ष दयाराम कुमालको प्रमुख अतिथीमा सम्पन्न भएको क्षेत्रीय संगठन बिस्तार कार्यक्रमले अध्यक्षमा पशुपति देवकोटा सहित १३ जनाको नयाँ कमिटी पुर्नगठन गरेका छन् ।

त्यस्तै कमिटीको उपाध्यक्षमा पुर्ण बहादुर वली सर्वसम्मत चयन भएका छन्। भने सचीवमा प्रेम प्रसाद खनाल, र सह-सचीवमा निराजन देबकोटा सर्वसम्मत चयन भएका हुन् ।

त्यसैगरी कमिटीको सदस्य हरुमा क्रमशः गोबिन्द थापा, आकस श्रेष्ठ, सुवेदी, सुजता राई, कल्पना दर्जी, कोपिला राई, ग्यानीमाया वाइबा, रन्जीता लोप्चन, सीता रानालाई सर्वसम्मत चयन गरिएको केन्द्रीय कमिटीका सचिव कृष्ण खड्काले बताए ।

उक्त कार्यक्रमका प्रमुख अतिथि रहेका प्रवासी नेपाली मञ्च राष्ट्रिय कमिटीका केन्द्रीय अध्यक्ष दयाराम कुमालले नवगठित पदाधिकारी हरुलाई पद तथा गोपनियताको सपथ ग्रहण गराउदै बधाई तथा शुभुकामना दिदै यस पेनाङ्ग राज्य कमिटीले प्रवासमा रहेका नेपाली श्रमजीवीको पक्षमा अग्रपंक्तिमा रहेर आवाज उठाउन सकोस् भनि शुभकामना व्यक्त गरेका थिए ।

यस्तै पुनगर्ठन कमिटीले संविधानसभाका अध्यक्ष एवं तथा पुर्सव भामुख एवम् प्रतिनिधि सभा सदस्य, नेकपा एमालेका उपाध्यक्ष स्वर्गीय सुवासचन्द्र नेम्वाङको निधनले सिङ्गो पार्टी र राष्ट्रलाई अपूरणीय क्षति पुगेको र यस दु:खद घडीमा शोकसन्तप्त परिवारजन साथै शुभेच्छुकप्रति समवेदना प्रकट गर्दै नेम्वाङको फोटोमा माल्यार्पण समेत गरेको थियो ।

प्रवासी नेपाली मञ्च राष्ट्रिय कमिटी मलेसियाका केन्द्रीय अध्यक्ष दयाराम कुमालको प्रमुख अतिथी रहेकाको क्षेत्रीय संगठन विस्तार कार्यक्रममा प्रवासी नेपाली मञ्च मलेसियाका केन्द्रीय सदस्य राजकुमार श्रेष्ठ, एनआरएनए मलेसियाका केन्द्रीय सदस्य राजु श्रेष्ठ लगायतको उपस्थिति रहेको थियो ।