एनआरएनए क्यानाडा र NCSBC को सहकार्यमा फूड बैंकको स्थापना

आगमनखबर संवाददाता

क्यानाडा । एनआरएनए युवा क्यानाडा र NCSBC ले अन्तर्राष्ट्रिय विद्यार्थीहरूको लागि भ्यानकुभर, क्यानडामा हिन्दू बुद्धिष्ट फाउन्डेसन अफ क्यानडा (HBFC) (12351 Winram Road, Surre B.C) मा फूड बैंकको स्थापना गरेको छ।

एनआरएनए युवा कमिटी र NCSBC को सयुक्त आयोजमा २९ जनवरी, २०२३ मा स्थापना सँगै भएको कार्यक्रममा ६० जना भन्दा बढी अन्तर्राष्ट्रिय विद्यार्थीहरूलाई स्वागत गर्दै आधारभूत खानाहरू (चामल, दाल, बेसार, तेल, जीरा र नुन) वितरण गरेको एनआरएनए युवा संयोजक सुरज बर्तौलाले जानकारी दिए ।

कार्यक्रममा एनआरएनए युवा संयोजक बर्तौलाले नयाँ आगन्तुकको मद्दत गर्न र परिवारको रूपमा हाम्रो समुदायमा स्वागत गर्न पाएकोमा खुसी ब्यक्त गर्दै आफ्नो तर्फबाट क्यानाडीयन डलर ५०१ जस्को नेपाली रुपैयाँ ५० हजार संघको खतामा सहयोग गरेका छन । त्यस्तै एनआरएनए बिसीका युवा संयोजक विष्णु पौडेलले क्यानाडीयन डलर ५०१ जस्को नेपाली रुपैयाँ ५० हजार, एनआरएनए राष्ट्रिय समन्वय समितिका सदस्य राजु भट्टराईले क्यानाडीयन डलर ५०१ जस्को नेपाली रुपैयाँ ५० हजार सहयोग गरेका छन ।

कार्यक्रममा एनआरएनए युवा संयोजक बर्तौलाले HBFC बोर्ड निर्देशक , NCSBC सचिव कुमार केसी र उपाध्यक्ष प्रतिमा पराजुली लाई विशेष धन्यवाद दिदै क्यानाडामा रहनु हुने सम्पूर्ण नेपाली दाजुभाइ दिदी बहिनीहरुलाई यो अभियानमा सहयोग गर्न अपिल गर्दै आगामी फेब्रुअरी १८ मा पुन: अन्तर्राष्ट्रिय विद्यार्थीहरूको लागि आधारभूत खानाहरू बितरण गरिने जनाएका छन ।