संसदीय बिशेष समितिले दिएको सुनपानीले चोखिदैँ अर्थ मन्त्री शर्मा

आगमनखबर संवाददाता

काठमाडौं । चालु आर्थिक बर्षको बजेट निर्माणमा अनधिकृत व्यक्तिको संलगनतामा करको दर हेरफेर गरिएको भन्ने बिषयमा गठन गरिएको संसदीय बिशेष समितिले आफ्नो प्रतिबेदन प्रतिनिधि सभाको बैठकमा पेश गरेको छ । 

प्रतिनिधिसभाको शुक्रबार बसेको बैठकमा समितीका अध्यक्ष लक्ष्मणलाल कर्णले उक्त प्रतिबेदन पेश गरेका थिए ।

चालु आवको बजेटको करको दर निर्धारणमा अनधिकृत व्यक्तिको प्रवेश गराएको भनी आरोप लागेका अर्थमन्त्री जनार्दन शर्मा संसदीय बिशेष समितिले दिएको सुनपानीले चोखिदैँ छ्न । 

प्रतिबेदनमा उल्लेखित ‘अर्थ मन्त्रालयका पदाधिकारीसँग गरिएको छलफल , मन्त्रालयबाट प्राप्त जवाफ र कागजात तथा सिसिटिभी फुटेजको अध्ययन गर्दा करको दर निर्धारणमा अनधिकृत व्यक्ति प्रवेश नगराएको भन्ने निष्कर्ष मन्त्री शर्मालाई चोख्याउने सुनेपानी बनेको छ।

करको दर निर्धारणमा अनधिकृत व्यक्ति प्रवेश गरेको नदेखिएको र करका दरले अर्थतन्त्रमा पारेको प्रभावको नियमित अध्ययन , संसद्को विषयगत समितिले नै गर्ने हुँदा त्यसतर्फ यस समितिले थप केही गर्नुपर्ने देखिएन ‘  प्रतिवेदनको अन्तिम निष्कर्ष रहेको छ ।उक्त प्रतिबेदन सर्वसमाप्त भएको छैन  अत: सर्वसमाप्त गर्ने प्रयास भने फरक मतमा गरिएको छ  ।

• Categories
• #अर्थतन्त्र
• #मुख्य समाचार