मुगु बस दुर्घटनामा: मृतकको सङ्ख्या २८ पुग्यो

आगमनखबर संवाददाता

काठमाडौं । मुगु बस दुर्घटनामा परी मृत्यु हुनेको सङ्ख्या २८ पुगेको छ । मुगुका प्रमुख जिल्ला अधिकारी रोमबहादुर महतले दुर्घटनामा परी मृत्यु हुनेको सङ्ख्या २८ पुगेको जानकारी दिनुभयो । यसअघि २४ जनाको घटनास्थलमै मृत्यु भएको थियो ।

त्यस्तै दुर्घटनामा परी घाइतेमध्ये १५ जनालाई नेपाली सेना र समिट एयरको हेलिकोप्टरबाट नेपालगञ्ज पठाइएको उहाँले बताउनुभयो । साथै एक जनाको मुगु अस्पतालमै उपचार भइरहेको छ ।

अन्तिम शव खोजी कार्य भइरहेको समेत उहाँले बताउनुभयो । मंगलबार दिउँसो नेपालगञ्जबाट मुगुको सदरमुकाम गमगढी जाँदै गरेको भे१ख ३१६७ नम्बरको बस छायाँनाथ रारा नगरपालिका–७ पिना तपनेखोलामा दुर्घटना भएको हो ।

• Categories
• #दुर्घटना