गृहमन्त्री खाणको अध्यक्षतामा बसेको सुरक्षा निकायको बैठकका ४ निर्णय

आगमनखबर संवाददाता

काठमाण्डौ। गृहमन्त्री बालकृष्ण खाँणको अध्यक्षतामा गृहमन्त्रालयमा ४ सुरक्षा निकायको बैठक सकिएको छ। सुरक्षा निकायका पदाधिकारीसहितको बैठक बसिएको हो।

वर्षाका कारण आएको बाढी–पहिरो र त्यसले पुर्‍याएको क्षति, त्यसपछिको राहत र उद्दारका विषयमा छलफल गर्न बैठक बसि देशभर अविरल बर्षापछि आएको बाढी, पहिरो र डुवानको अवस्था र त्यसले पुर्याएको क्षतिबारे गृहमन्त्री खाँणले जानकारी लिनुभएको थियोे।

विपद व्यवस्थापन प्राधिकरण र मन्त्रालयको विपद व्यवस्थापन महाशाखा तथा ४ वटै सुरक्षा निकायका प्रतिनिधिलाई मन्त्रालयमा डाकेर आवश्यक सुरक्षा सतर्कता, उद्धार, उपचार, राहत वितरण र पुनर्स्थापना कार्य तत्काल अगाडि बढाउन गृहमन्त्री खाँणले निर्देशन दिनुभएको उहाँको सचिवालयले जनाएको छ। साथै अबरुद्ध राजमार्गमा सवारी साधन संचालनको लागि अन्य बैकल्पिक उपाय अपनाउन पनि निर्देशन दिनुभएको थियो।

• Categories
• #मुख्य समाचार
• #राजनीति