एमाले विवाद- ओली पक्षले युथ फोर्स पुनर्गठन गरेपछि माधव पक्षले गर्यो अखिल फोर्सको गठन

आगमनखबर संवाददाता

काठमाडौँ । नेकपा (एमाले)का वरिष्ठ नेता माधवकुमार नेपाल पक्षीय विद्यार्थी संगठन अखिल नेपाल राष्ट्रिय स्वतन्त्र विद्यार्थी युनियनले अखिल फोर्स गठनको घोषणा गरेको छ ।

बिहीबार काठमाडौँमा एक कार्यक्रम आयोजना गर्दै विद्यार्थी संगठनले युथ फोर्स गठनको घोषणा गरेका हुन् ।

तपेन्द्रजंग शाहीको नेतृत्वमा ५०१ सदस्यीय अखिल फोर्स गठन गरिएको अनेरास्ववियु अध्यक्ष सुदेश पराजुलीले बताएका छन् ।

एमाले अध्यक्ष केपी शर्मा ओली पक्षधरबाट माधव पक्षका नेताहरुलाई धम्की आएको भन्दै त्यसको खुलेर प्रतिवाद गर्नका लागि युथ फोर्सको गठन गरिएको बताइएको छ ।

• Categories
• #मुख्य समाचार
• #राजनीति