ओलीले बोलाएको स्थायी कमिटीको बैठकमा माधव पक्ष सहभागी होला ?

आगमनखबर संवाददाता

काठमाडौँ । नेकपा एमालेका अध्यक्ष केपी शर्मा ओलीले स्थायी कमिटीको बैठक बोलाएका छन् । पार्टीभित्र विवाद चलिरहेको बेलामा अध्यक्ष केपी शर्मा ओलीको निर्देशनमा महासचिव ईश्वर पोखरेलले शुक्रबार ११ बजे बस्नेगरी स्थायी कमिटी बैठक बोलाएका हुन् ।

आजको स्थायी कमिटीको बैठकमा यता माधव पक्षका नेताहरुलाई समेत खबर गरिएको एमाले केन्द्रीय कार्यालयका सचिव शेरबहादुर तामाङले जानकारी दिए । बैठक ललितपुरस्थित तुलसीलाल प्रतिष्ठानमा बस्नेछ ।

तर स्थायी कमिटीको बैठकमा माधव पक्ष भने नजाने भएको छ । आवश्यक सल्लाह गरेर मात्र बैठक बोलाउनुपर्ने गर्दै माधव पक्ष बैठकमा सहभागी नहुने जनाएको हो । बैठकमा उपस्थित हुन् नसकिने माधव पक्षका नेता युवराज ज्ञवालीले बताए ।

• Categories
• #मुख्य समाचार
• #राजनीति