राष्ट्रपति र प्रधानमन्त्रीविरुद्ध सर्वोच्चमा रिट दायर हुँदै

आगमनखबर संवाददाता

काठमाडौँ।राष्ट्रपति  विद्यादेवी भण्डारी र प्रधानमन्त्री केपी शर्मा ओलीविरुद्ध छुट्टाछुट्टै रिट लिएर अधिवक्ताहरू सर्वोच्च अदालतमा पुगेका छन् । अधिवक्ता सन्तोष भण्डारी, रामबहादुर शाही, शैलेन्द्र अम्बेडकर, वीरभद्र जोशी छुट्टाछुट्टै रिट अदालत गएको बताईएको  छ ।

राष्ट्रपतिले प्रधानमन्त्रीमा दाबि प्रस्तुत गर्नको लागे दिएको समयसीमा आज साँझ ५ बजे सकिंदैछ ।

राष्ट्रपतिको कदमलाई लिएर यतिबेला चौतर्फी आलोचना भईरहेको छ ।

नेपाली कांग्रेस र विवेकशील साझाले राष्ट्रपतिमाथि महाअभियोग लगाउनुपर्ने प्रस्ताव अगाडी सारेका छन् ।

त्यस्तै सरकारको विकल्प दिनको लागी विपक्षी दलहरुको बैठक जारी रहेको छ ।

संविधानको धारा ७६ को उपधारा ३ अनुसार नियुक्त प्रधानमन्त्रीले विश्वासको मत लिईनसकेको अवस्थामा र राजीनामा पनि नदिएको अवस्थामा राष्ट्रपति भण्डारीले एकैपटक संविधानको धारा ७६ (५) अनुसार नयाँ सरकार निर्माणको आव्हान गरेकी छिन् । कानून विद्हरुका अनुसार राष्ट्रपतिको यस्तो कदम संविधानका व्यवस्थासँग बाझिने खालको छ ।

कानून विद्हरुका अनुसार संविधानको रक्षार्थ रहेको पदमा आसिन व्यक्तिले नै संविधानको विरुद्व कदम चाल्नु महाभियोग लगाउन मिल्ने कसुर हो । जुन कुसरकै आधारमा राष्ट्रपतिमाथि महाभियोग लगाउन मिल्छ ।

• Categories
• #मुख्य समाचार
• #राजनीति