राष्ट्रपतिमाथि महाभियोग लगाऊ : विवेकशील साझा

आगमनखबर संवाददाता

७ जेठ, काठमाडौं । विवेकशील साझा पार्टीले राष्ट्रपति विद्यादेवी भण्डारीलाई महाभियोग लगाएर पदमुक्त गर्नका लागी  विपक्षी दलहरूलाई आग्रह गरेको छ ।

शुक्रबार विज्ञप्ति जारी गर्दै विवेकशील साझा पार्टीले राष्ट्रपति विद्यादेवी भण्डारीलाई महाभियोग लगाएर पदमुक्त गर्नका लागी  विपक्षी दलहरूलाई आग्रह गरेको हो।

‘संविधानको रक्षा गर्ने दायित्व बोकेको राष्ट्रपति संस्थाको बारम्बार साख गिराउने, अपमान गर्ने र ‘देशको होइन केवल प्रधानमन्त्रीको राष्ट्रपतिका रूपमा काम गर्ने’ विद्यादेवी भण्डारीमाथि तत्काल महाभियोग लगाएर उनलाई पदमुक्त गर्दै संसद्मा प्रधानमन्त्री ओलीको विपक्षमा रहेका दल तथा सांसदहरू एक जुट भई नयाँ सरकार गठनका लागि पहल गर्न विवेकशील साझा पार्टी आह्वान गर्दछ।’ विज्ञप्तिमा भनिएको छ ।

त्यस्तै प्रमुख प्रतिपक्षी दल नेपाली कांग्रेसले पनि राष्ट्रपतिला महाअभियोग लगाएर पदमुक्त गराउनुपर्नेमा जोड दिएको छ ।

यो पनि पढ्नुहोस :

राष्ट्रपतिमाथि गगन थापाको आक्रोश: गनगन गरेर नबसौँ, महाअभियोग लगाएर बिद्यालाई बिदाई गरौँ

• Categories
• #मुख्य समाचार
• #राजनीति