प्रधानमन्त्रीको शपथ : राष्ट्रपति र प्रधानमन्त्रीसंग सर्वोच्चले माग्यो लिखित जवाफ

आगमनखबर संवाददाता

काठमाडौं । प्रधानमन्त्रीको शपथविरुद्ध सर्वोच्चमा परेको रिटमा  अदालतले राष्ट्रपति कार्यालय र प्रधानमन्त्री केपी शर्मा ओलीसँग लिखित जवाफ माग गरेको छ ।

प्रधानमन्त्रीको शपथविरुद्धको रिट सोमबार दर्ता भएको थियो । रिटमाथि सुनुवाइ गर्दै प्रधानन्यायाधीश चोलेन्द्रशम्शेर जबराको एकल इजलासले राष्ट्रपति कार्यालय, प्रधानमन्त्री तथा मन्त्रिपरिषद कार्यालय, प्रधानमन्त्री ओलीसहितका विपक्षीसँग लिखित जवाफ माग गरेको हो ।

त्यस्तै सर्वोच्च अदालतले प्रधानमन्त्रीको शपथ विवाद र सांसद नभएका व्यक्तिलाई मन्त्री बनाउने सरकारको निर्णयमाथि चुनौती दिई परेको निवेदनमाथि अन्तरिम आदेश दिन अस्विकार गरेको छ ।

• Categories
• #मुख्य समाचार
• #राजनीति