ओलीसङ्गको वार्तापछि माधव नेपालले भने, केहि दिनको लागी राजीनामा टर्यो

आगमनखबर संवाददाता

३० वैशाख, काठमाडौं । नेकपा एमालेका अध्यक्ष केपी शर्मा ओली र नेता माधवकुमार नेपालबिच भएको आजको वार्ता सकिएको छ।

झण्डै साढे ४ घण्टा भएको छलफलमा पार्टी २०७५ जेष्ठ २ गतेको स्थितिमा फर्किने विषयमा छलफल भएको थियो।

माधव पक्षको सर्वोच्च अदालतको २३ फागुनको फैलासले एमाले र माओवादी केन्द्र ब्युँताइदिएपछि एमालेको पार्टी कमिटी पनि एकताअघिको अवस्था अर्थात २०७५ जेठ २ मा पुग्नुपर्ने माग छ।

त्यस्तै नेता माधव नेपालले सांसदको राजीनामा तत्काल नहुने बताएका छन।

‘आज सांसदहरुको राजीनामा दिने कुरा दुई चार दिनलाई टर्‍यो ।’ बैठक सकिएपछि पत्रकारहरुसङ्ग कुरा गर्दै नेता नेपालले भने।

• Categories
• #मुख्य समाचार
• #राजनीति