नेपाल पत्रकार महासंघ सिन्धुपाल्चोकद्वारा पत्रकार राहत कोष स्थापना

सुशिल सुबेदी

सिन्धुपाल्चोक । नेपाल पत्रकार महासंघ सिन्धुपाल्चोकले कोरोना मारमा परेका पत्रकारलाई राहत दिने उदेस्यले कोभिड– १९ पत्रकार राहत कोष स्थापना गरेको छ ।

कोभिड– १९ संक्रमणमा परेका शाखाका सदस्यलाई सहयता गर्ने उद्देश्यले सो कोष स्थापना गरिएको जिल्ला शाखाका अध्यक्ष जीवन श्रेष्ठले जनाकारी दिए । उनका अनुसार सो कोष नेपाल पत्रकार महासंघ सिन्धुपाल्चोकले नै सञ्चालन गर्नेछ । सो कोषबाट जिल्ला शाखाका सदस्य तथा जिल्लामा क्रियाशिल पत्रकारहरु कोरोना संक्रमणमा परेमा आर्थिक सहायता दिईने छ ।

कोषमा हालसम्म एक लाख रुपैंया संकलन भइसकेको छ,’ अध्यक्ष श्रेष्ठले भने– ‘हामी सबैलाई सो कोषमा आर्थिक सहयोग गर्न समेत सबै सहृदयी महानुभावहरुलाई आह्वान गर्दछौं ।’ कोषमा प्राप्त रकमको आधारमा कार्यविधि बनाएर पीडित पत्रकारहरुलाई आर्थिक सहयोग गरिनेछ । यस सहयोगबाट पीडामा परेका पत्रकारलाई केही मात्रामा भएपनि राहत पुग्ने महासंघले विश्वास लिएको छ ।

सिन्धुपाल्चोकमा कोभिड– १९ को दोस्रो लहरमा एक जना पत्रकार संक्रमित भइसकेको छन् । पहिलो चरणमा पनि दर्जनबढी पत्रकारलाई कोभिड संक्रमण भएको थियो । कोषमा सहयोग गर्न चाहनेले नेपाल पत्रकार महासंघ सिन्धुपाल्चोकको मेगा बैंक लिमिटेड चौतारा शाखाको खाता नं। ०१४००६०००३७२२ (Federation of Nepali journalists, Chautara AC No – 0140060003722, Mega Bank, Chautara)  मा रकम जम्मा गर्न सक्ने जनाईएको छ ।

• Categories
• #अर्थतन्त्र