माधव-झलनाथ पक्षका सांसदहरुलाई ओलीको आग्रह: आउनुस्, केही समस्या भए छलफल गरौं र समाधान गरौं ।

आगमनखबर संवाददाता

काठमाडौ । नेकपा एमालेका अध्यक्ष एवं प्रधानमन्त्री केपि शर्मा ओलीले पार्टीका माधव नेपाल पक्षका सांसदहरुलाई हतारोमा कुनैपनि अनुचित निर्णय नगर्न आग्रह गरेका छन् ।

राजीनामाको लागि तयारी अवस्थामा रहेका माधव पक्षका सांसदहरुलाई लक्षित गर्दै सामाजिक संजालमार्फत उनले यस्तो आग्रह गरेका हुन।

त्यस्तै उनले केहि थप समस्या भए छलफलको माध्यमबाट त्यसलाई समाधान गर्न सकिने उल्लेख गरेका छन।

उनले लेखेका छन, यस्तो अवस्थामा आन्तरिक मतभेद वा असन्तुष्टि केही भए आपसी छलफलबाट समाधान गर्न सकिने नै छ। तसर्थ, हतारोमा कुनै पनि अनुचित निर्णयमा जान वाञ्छनीय नहुने कुरामा म सबै माननीयज्यूहरूको ध्यानाकर्षण गराउन चाहन्छु। आउनुस्, केही समस्या भए छलफल गरौं र समाधान गरौं ।

• Categories
• #मुख्य समाचार
• #राजनीति