लुम्बिनीमा सत्ताको नयाँ खेल सुरु : मुख्यमन्त्री पदबाट राजिनामा दिएका पोख्रेलको पुनर्नियुक्ति हुँदै

आगमनखबर संवाददाता

काठमाडौं । लुम्बिनी प्रदेशका मुख्यमन्त्री पोखरेलले संविधानको धारा १६८ (१) अन्तर्गत नयाँ सरकार बनाउन मार्गप्रशस्त गरेको भन्दै राजीनामा दिएपछि लुम्बिनीमा नयाँ सत्ताको खेल सुरु भएको छ ।

मुख्यमन्त्री पदबाट राजिनामा दिएका लुम्बिनी प्रदेशका  शंकर पोख्रेल फेरि बहुमतको मुख्यमन्त्रीमा चुनिने भएका छन् । आज एमालेले संसदीय दलको बैठक राखेर शंकर पोखरेललाई नै बहुमतको मुख्यमन्त्री चुन्ने निर्णय गरेको हो  ।

संविधानको धारा १६८ अनुसार ‘प्रदेश प्रमुखले प्रदेश सभामा बहुमत प्राप्त संसदीय दलको नेतालाई मुख्यमन्त्री नियुक्त गर्नेछ र निजको अध्यक्षतामा प्रदेश मन्त्रिपरिषदको गठन हुनेछ’ भनेर भनिएको छ ।

मुख्यमन्त्रीले राजिनामा दिएपछि लुम्बिनी प्रदेशमा नेपाली काँग्रेस, माओवादी, जनता समाजवादी पार्टी (जसपा) र राष्ट्रिय जनमोर्चा सम्मिलित गठबन्धनले मुख्यमन्त्रीको प्रतिस्पर्धा गर्ने देखिएको छ ।

प्रदेश सभामा नेपाली कांग्रेसका १९, माओवादी केन्द्र सभामुखसहित १८, जसपाका दुई (चारजना कारबाही पछि)  बच्ने छन् । त्यस्तै राष्ट्रिय जनमोर्चासँग एक सांसद छन्।

• Categories
• #मुख्य समाचार
• #राजनीति