कांग्रेसले भन्यो : ‘ जनताको हितमा आएको एमसीसी पास हुनैपर्छ’

दिनेश अर्याल

प्रमुख प्रतिपक्षी दल नेपालि कांग्रेस मिलेनियम च्यालेन्ज कर्पोरेशन ( एमसीसी )  प्रति सकारात्मक देखिएको छ । कांग्रेसका सभापति शेरबहादुर देउवाले एमसीसी नेपालको हितको लागि भएकोले यसलाई भित्र्याउन लागि पर्नु पर्ने बताएका छन् ।

उनले एमसीसी नेपालको संसदबाट पारित हुनुपर्ने तर्क राखेका छन् । एमसीसीबारे अनावश्यक हल्ला चलाईएको देउवाको बुझाई रहेको छ ।

शुक्रबार देउवा निवाश बुढानिलकण्ठमा आयोजित एक पत्रकार सम्मेलनमा पत्रकारहरुसंग कुरा गर्दै एमसीसी नेपालको हितमा भएको र यसलाई संसदबाट तुरुन्त पास गर्नुपर्ने बताए ।

उनले एमसीसी पूर्वप्रधानमन्त्री बाबुराम भट्टराईदेखिको पालादेखि सुरु भएको तर्क राखे । पत्रकारसँग कुरा गर्दै उनले भने, ‘यो बाबुराम भट्टराइको पालादेखि भएको काम हो । मेरो पालामा त सिग्नेचर गरेर पठाएको मा हो । यत्रो ठूलो अनुदान, ब्याजस्याज छैन । सित्तैमा आएको छ । तर, अनेक भ्रम फैलाइयो ।’

त्यस्तै उनले एमसीसी पछि अमेरिकी सेना नेपालमा आउँछ भन्ने कुराको खण्डन समेत गरेका छन् ।   ‘अमेरिकी सेना आउँछ भनेर हल्ला फैलाइएको छ । हामीले त्यस्तो गर्न दिन्छौ ? कसैले दिन्छ ? यस्ता झुट्टा प्रचार भइराख्या छ ।’ उनले भने ।

• Categories
• #मुख्य समाचार
• #राजनीति