संसद विघटनविरुद्ध ऐक्यवद्धता प्रकट कांग्रेस सभापति देउवाको अपिल !

आगमनखबर संवाददाता

सरकारको सिफारिसमा राष्ट्रपतिले प्रतिनिधिसभा विघटनको घटना विरुद्ध नेपाली कांग्रेसले भोलि माघ ८ गते बिहीवार ६,७४३ वडाहरुमा आयोजना गरेको विरोध प्रदर्शनमा सहभागी हुनका लागि नेपालि कांग्रेसका सभापति शेरबहादुर देउवाले सबैलाई अपिल गरेका छन् ।

‘संसद विघटनको कदमलाई असंवैधानिक र अलोकतान्त्रिक ठहर गरेर नेपाली कांग्रेसले पुस १३ गते १६५ निर्वाचन क्षेत्रमा, पुस २५ गते ३३० प्रदेशसभा निर्वाचन क्षेत्रमा तथा माघ ३ गते ७५३ पालिकाहरुमा विरोध प्रदर्शन व्यापक सहभागिता साथ सम्पन्न गरिसकेको छ ।’  देउवाद्धारा जारि बिज्ञप्तिमा भनिएको छ । अब वडा स्तरीय प्रदर्शनमा पनि घरघरबाट सहभागिता जनाएर प्रभावकारी रुपले सफल बनाउन म सबैमा हार्दिक अपील गर्दछु । संविधानमा भएको ब्यवस्था प्रतिकुल, जनभावना विपरीतको कार्य विरुद्ध नेपाली कांग्रेस एकमत छ ।

• Categories
• #मुख्य समाचार
• #राजनीति