ब्रुक्लीन बोरो प्रेसिडेन्टद्वारा गिरिजा प्रसाद कोइराला फाउण्डेसन अमेरिकाका ९ जनालाई सम्मान

आगमनखबर संवाददाता

न्युयोर्क, अमेरिका। न्युयोर्क शहरको ब्रुक्लीन बोरो प्रेसिडेन्ट ऐरिक अडाम्सले समाजप्रति क्रियासिल रहेर कोभिड–१९ को संक्रमणका बेला सक्रिय रुपमा खटिने १८६ जनालाई कोभिड-१९ हिरो अवार्डबाट सम्मान गरेको छ ।

नोभेम्बर १० मा प्रेसिडेन्ट अडाम्सले आफ्नै कार्यालय ब्रुक्लीन बोरो हलमा कार्यक्रमको आयोजना गरी Dr. Anthony Fauci- Director of NIAID (National Institute of Allergy & Infectious Diseases) समेतलाई Covid-19 HERO of Heroes award ले सम्मान गरेको हो ।

ब्रुक्लीन बोरो प्रेसिडेन्टले मुल्याकंन गर्दै गिरिजा प्रसाद कोइराला फाउण्डेसन अमेरिकाले कोरोना संक्रमणकालमा राहत वितरण तथा स्वास्थ्य सुरक्षा सामग्री वितरणमा सक्रिय रुपमा लागेका फाउण्डेसनका ९ जना सदस्य समेतलाई कोभिड-१९ हिरो अवार्ड सम्मान गरेको छ ।

कोभिड-१९ हिरो अवार्डबाट अध्यक्ष सोमनाथ घिमिरे, उपाध्यक्ष सुवर्ण लामा, केन्द्रिय सदस्य तथा समुदाय सम्बन्ध निर्देशक छिरिङ राप्के लामा, केन्द्रिय सदस्य द्वय सुर्य सिमखडा र विमल डाँगी समाजसेवि रेखा श्रेष्ठ, स्वयंसेवक द्वय कुजंन पौडेल र सत्नाम लाललाई सम्मान गरेको फाउण्डेसनका अध्यक्ष सोमनाथ घिमिरेले जानकारी दिए ।

गिरिजा प्रसाद कोइराला फाउण्डेशन अमेरिकाले ब्रुक्लीन बोरो प्रेसिडेन्ट ऐरिक अडाम्स लाई हार्द्विक धन्यवाद एंव आभार प्रकट गरेको छ ।