स्वास्थ्य मन्त्रालयको नियमित पत्रकार सम्मेलन कात्तिक ११ गतेसम्मका लागि स्थगन

आगमनखबर संवाददाता

काठमाडौं।स्वास्थ्य तथा जनसंख्या मन्त्रालयबाट कोभिड–१९ का बारेमा जानकारी दिन गरिने नियमित पत्रकार सम्मेलन पाँच दिनका लागि स्थगन गरिएको छ । 

दशैँका कारण पत्रकार सम्मेलन यही कात्तिक ७ देखि कात्तिक ११ गतेसम्मका लागि स्थगन गरिएको जनाइएको छ ।

मन्त्रालयका प्रवक्ता डा जागेश्वर गौतमले अब कात्तिक १२ गतेदेखि हुने नियमित पत्रकार सम्मेलन थप परिमार्जनसमेत हुने बताए । उनले यो बीचमा कोभिड –१९ का बारे जानकारी सामाजिक सञ्जालबाट मात्र उपलब्ध हुने बताए ।

मन्त्रालयले दुई सय ५६ दिनदेखि लगातार नेपालमा कोभिड –१९ का बारे नियमित पत्रकार सम्मेलनबाट जानकारी गराउँदै आएको  छ ।

• Categories
• #स्वास्थ