हरितालिका तिजको अवसरमा सभापति ओलिद्वारा शुभकामना व्यक्त

आगमनखबर संवाददाता

नेपाली जन संपर्क समिती क्यानाडाका सभापति बुद्दी  प्रकाश  ओलिले हरितालिका तिजको अवसरमा स्वदेश तथा विदेशमा रहनु भएका समस्त नेपाली दिदीवहिनीहरुमा शुभकामना व्यक्त गरेका छन ।

हरितालिका तिज पर्वको अवसरमा मेरो व्यक्तिगत तर्फबाट  र नेपाली जन संपर्क समिती क्यानाडाका तर्फबाट स्वदेश तथा विदेशमा रहनु भएका समस्त नेपाली दिदीवहिनीहरुमा हार्दिक शुभकामना व्यक्त गरेका हुन ।  हाम्रो देश अनेक धर्म , अनेक संस्कृति र अनेक पर्वले समृद्ध छ । यी पर्व हाम्रा पहिचान हुन् , गौरव हुन् । हाम्रो समाजमा सौहार्दता र एकतालाई मजवुत तुल्याउन यी पर्वहरुले योगदान गर्दै आएको ओलिले बताए । 

सबै खाले पर्वमा आपसी प्रेम , सद्भाव , विश्वास र भाईचारा व्यक्त गर्ने हाम्रो परम्पराले हाम्रो समाजलाई एक साझा फुलवारीका रुपमा प्रतिविम्बित गर्दै आएकोले तीजमा चेलीहरु माइत आउने र पारिवारिक सम्बन्धलाई हार्दिक बनाउन भूमिका निर्वाह गर्ने दृष्टिले पनि यसको विशेष महत्व छ । विश्व  अहिले कोरोना भाइरस ( कोभिड -१ ९ ) को महामारीबाट आक्रान्त छ । यस अवस्थामा कोरोनाको जोखिमलाई दृष्टिगत गर्दै सामाजिक दुरीलाई कायम राख्दै तीज मनाउन सबैलाई ओलिले आग्रह  समेत गरेका छन । 

• Categories
• #विचार