सिन्धुपाल्चोकमा फेरि प्राकृतिक बिपत्ति, २२ घर पुरिए

सुशिल सुबेदी

अबिरल बर्षाको कारण जुगल गाउँपालिका वडा नम्बर २ लिदिमा आज विहानको ६ बजे भिषण पहिरोले कम्तीमा २१ घर पुरेकोकेही थप घरहरु जोखिममा रहेको जानकारी प्राप्त भएको गाउँपालिका उपाधक्ष्य श्रीजना तामाङले आगमन खबरलाई जानकारी दिनुभयो ।

पहिरो गाउँकोबीच भागमा गएकोले कति घर पुरिएका हुन भन्ने अझै एकिन भएकाे छैन । पहिरोले पुरिने घरकाे संख्या गढ्न सक्ने र ठूलाे जनधनकाे क्षेती भएकाे हुनसक्ने वडाध्यक्ष लामाले जानकारी दिए ।

जिल्लाको सबैभन्दा विकट वडा भएकोले हेलिकोप्टरबाट उद्धार टोली जाने तयारी भइरहेको र घटना स्थलमा सेना र प्रहरीलाई पठाएको प्रमुख जिल्ला अधिकारी उमेश कुमार ढकालले आगमन खबरलाई जानकारी दिनुभयो ।

जनप्रतिनिधि एवं पार्टी नेतृत्वको टोली हेलिकोप्टर सहित उद्धारमा जादै गरेको बागमती प्रदेसका सामाजिक बिकाश मन्त्री युबराज दुलालले बताउनुभयो । गाउँमै भएपनि लिदी पुग्न पूरा एक दिन लाग्छ । घटनाकाे थप विवरण आउन बाँकी छ ।

• Categories
• #मुख्य समाचार
• #सम -सामयिक