बालापनको सम्झना-कविता

भुपराज अर्याल

सम्झना

चिप्लेटी खेल्दै डाँडामा ,
देउराली भीर पाखामा ।
डन्डीबियो खेलेको,
घुमिरन्छ आँखामा ।।

खोलीको ढुंगामा बसेर,
लैबरी भाकामा गाएको ।
ऐसेलु दाना टिपेर,
बाँडीचुँडी खाएको ।।

हातमा हात गाँसेर ,
टाकुरे लाउनी खेलेको ।
सानी र मैले मिलेर ,
पातलीलाई घेलेको।।

टोपीमा मिठाई बाँधेर ,
टोकेर भाग लाएको ।
गाभाको पातमा बोकेर ,
मूलको पानी खाएको ।।

सम्झना आउँछ हिजोको ,
हाँसेको,नाचेको , खेलेको।
आज त हेर्छु जिन्दगी ,
लहराले जेलेको।।है!…..!

• Categories
• #लेख रचना/कबिता