फेसबुकमा लाइभ गर्दै २३ वर्षकी युवतीले आत्मह’त्या गरिन्

आगमनखबर संवाददाता

दाङको तुलसीपुरमा एक युवतीले सामाजिक सञ्जाल फेसबुकमा भिडियो लाइभ गर्दै आत्मह’त्या गरेकी छन् । फेसबूक लाइभ गर्दै आत्महत्या गरेको भन्ने खबर पाएपछि इलाका प्रहरी कार्यलयले प्रहरी निरीक्षक सहितको टोली घटना स्थलमा पठाएको थियो ।

अन्दाजी २३ वर्षकी एलिसा गौतम रानीजरुवामा घरमा एक्लै बस्दै आएकी एलिसाका बुवा–आमा भारतमा बस्दै आएका छन् । घरमा भाडामा बस्ने बाहेक उनीसँग अरु कोही पनि नबसेको पाइएको इलाका प्रहरी कार्यालय, रानीजरुवाका प्रमुख प्रहरी नायब उपरीक्षक (डीएसपी) शिव सिंहले बताए ।

आफन्त कोही पनि नभएकाले आत्महत्याको बारेमा धेरै खुल्न सकेको छैन तर प्रहरीले आसपासका मानिसहरुसँग सोधपुछ गर्दा विवाह भएर पनि उनको सम्बन्धविच्छेद भइसको छ भने उनकी एक छोरी छिन् । डिभोर्सपछि उनकी छोरी बुवासँगै बस्दै आएको पनि खुलेको प्रहरीले जनाएको छ ।

एलिसाले असार १३ गते ‘छोरीको बर्थडे मनाउँदै आज, ह्याप्पी बर्थडे टु यू छोरी सधै खुशी रहनु तिमी’ भन्दै छोरीको जन्मदिन मनाएको फोटो फेसबूकमा पोष्ट गरेकी थिइन् ।

उनले आत्महत्या के कारणले गरेकी हुन् भन्ने कुरा अझै पत्ता नलागेको प्रहरीले जनाएको छ । मृतक युवतीको शव पोष्ट-मार्टमका लागि राप्ती प्रादेशिक अस्पताल, तुलसीपुरमा राखिएको छ ।

• Categories
• #अपराध