नेपाली जनसम्पर्क समिति मलेसियाको क्षेत्रीय जोहोर कार्यसमिति पुनः गठन, अध्यक्षमा लिम्बू चयन

आगमनखबर संवाददाता

मलेसिया । नेपाली जनसम्पर्क समिति मलेसियाले मलेसियाको जोहोर राज्यमा गोविन्द लिम्बूको अध्यक्षतामा ११ जना सदस्य सहित क्षेत्रीय कार्यसमिति पुनः गठन गरेकोछ ।

नेपाली जनसम्पर्क समिति जोहोर क्षेत्रीय कार्यसमितिका उपाध्यक्ष सुनिता साहको सभापतित्वमा र नेपाली जनसम्पर्क समिति मलेसियाको केन्द्रीय अध्यक्ष चोलाकान्त पंगेनीको प्रमुख आतिथ्यता आइतबार मलेसिया स्थित जोहोर राज्यको सेनाईमा भएको एक कार्यक्रममा जोहोर क्षेत्रीय कार्यसमिति सर्वसम्मत नयाँ कार्यसमिति गठन गरिएको समितिका प्रवक्ता लाल बहादुर खड्काले बताउनुभयो ।

उक्त कार्यक्रमले नेपाली जनसम्पर्क समिति जोहोर क्षेत्रीय कार्यसमितिको उपाध्यक्षमा सुनिता साह चयन भएकि छिन्। भने बाँकी रहेका पदहरुमा समितिको पहिलो बैठकमा चयन गरिने समितिका नव चयन हुनुभएको अध्यक्ष गोविन्द लिम्बूले बताउनुभयो ।

नेपाली जनसम्पर्क समिति जोहोर क्षेत्रीय कार्यसमितिका उपाध्यक्ष सुनिता साहको सभापतित्वमा र नेपाली जनसम्पर्क समिति मलेसियाका केन्द्रीय अध्यक्ष चोला कान्त पंगेनीको प्रमुख अतिथिमा भएको कार्यक्रममा विशेष अतिथि नेपाली जनसम्पर्क समिति मलेसियाका केन्द्रीय उपाध्यक्ष कमल गौतम, अर्का उपाध्यक्ष राकेश महतो, र अतिथिहरुमा नेपाली जनसम्पर्क समिति मलेसियाका केन्द्रीय महामन्त्री हरि प्रसाद कोइराला, प्रवक्ता लाल बहादुर खड्का सदस्य लोक बहादुर थापा साथै सञ्चारकर्मी मलया खबरका सम्पादक आरएन चौधरी थारु र बारा दैनिकका कृष्ण गुप्ता, लगायत नेपाली श्रमिकहरुको सहित बाक्लो उपस्थिति रहेको थियो ।

सन् २०२० मा गठन भएको नेपाली जनसम्पर्क समिति जोहर क्षेत्रीय कार्यसमितिले राजनीति मात्र नभएर सामाजिक कामहरु जस्तैः मलेसियाको जोहोर राज्य लगायत मलेसियाको विभिन्न ठाउमा समस्यामा परेको नेपाली श्रमिकहरुको दु:ख सुखमा साथ दिदै केन्द्रले जस्तै आर्थिक भौतिक सहयोग गर्दै आएको छ ।

• Categories
• #देश–विदेश