केन्द्रिय सदस्य,जिल्ला सदस्य सहित विभिन्न पार्टी परित्याग गरि काङ्ग्रेस प्रवेश

जीवन पाख्रीन तामाङ

काभ्रे ।नेपाली कांग्रेस बनेपा नगर कार्यसमितीद्वारा आयोजित बधाई, शुभकामना तथा पाटी प्रबेश कार्यक्रममा नेकपा एमाले जिल्ला सदस्य वडा अध्यक्ष सहित विभिन्न पार्टी परित्याग गरि सयौं कार्यकर्ता नेपाली काङ्ग्रेस प्रवेश गरेका छन् ।

बनेपा नगर कार्यसमितिले आयोजना गरेको कार्यक्रमका प्रमुख अथिती नेपाली कांग्रेसका केन्द्रिय महामन्त्री गगन कुमार थापा थिए भने विशिस्ट अथिती नेपाली काङ्ग्रेसका केन्द्रिय सदस्य गणेश लामा,मधु आचार्य बागमती प्रदेश सभापति इन्द्र बानियाँ काभ्रे जिल्ला सभापति तिर्थ लामा लगाएत अग्रज नेताहरू द्वारा नेपाल उद्योग बाणिज्य संघका केन्द्रिय सदस्य शुर कृष्ण वैध,जनता समाजवादी युवा सघठनका केन्द्रिय सदस्य उपमहासचिव सुनिल छेवाङ लामा र धुलिखेल नगरपालिका ८ का निर्वाचित वडा अध्यक्ष नेकपा एमाले जिल्ला सदस्य निराजन जंगम सहितको टिमलाई अबिर लगाएर स्वागत गरेका थिए।

समाजवादी युवा संघठनका केन्द्रिय उपमहासचिव लगाएत नव प्रवेशिकाहरुको भनाई देशलाई सहि दिशामा बिकासको मुल फुटाउन नेपाली काङ्ग्रेस बाहेक अन्य पार्टीले कुनै पनि हलातमा नसकिने जिकिर गरे।अन्य पार्टीले भ्रमको खेती गरि जनता र देशलाई अन्योलमा राखेको आरोप समेत लगाउदै अब हामी बि पि को सिद्धान्तमा समावेश भएको बताए।