घिसिङलाई नियुक्ती गर्न दिएको निर्देशन तत्काल कार्यान्वयन हुने नेता गुरुङको विश्वाश

आगमनखबर संवाददाता

काठमाडौं । नेपाली काँग्रेसका केन्द्रीय सदस्य एवम युवानेता धनराज गुरुङले प्रधानमन्त्री शेर बहादुर देउवाले कुलमान घिसिङलाई बिद्युत प्राधिकरणको प्रबन्ध निर्देशक नियुक्त गर्न उर्जामन्त्रीलाई दिएको निर्देशनको प्रशंसा गरेका छन् ।

मंगलवार नेता गुरुङ्ले समाजिक सन्जाल मार्फत प्रधानमन्त्री देउवाले प्राधिकरणको कार्यकारी निर्देशक पदमा घिसिङलाई नियुक्त गर्न ऊर्जा,जलस्रोत तथा सिचाइँमन्त्री पम्फा भुसाललाई दिएको निर्देशन क्षमतावान स्थान भएकोले प्रधानमन्त्रीको निर्देशन कार्यान्वयन हुने कुरामा विस्वास रहेको जनाएका छन् ।

मंगलबार ऊर्जामन्त्री भुसालले प्रधानमन्त्री देउवालाई भेटेर हाल प्राधिकरणको कार्यकारी निर्देशक हितेन्द्रदेव शाक्यको कार्यसम्पादन सन्तोषजनक नभएको भन्दै ब्रिफिङ गरेकी थिइन् । त्यसपछि देउवाले शाक्यलाई राजीनामा गर्न लगाएर घिसिङलाई नियुक्तिको प्रक्रिया थाल्न निर्देशन दिएका थिए ।

नेपाल विद्युत् प्राधिकरणको कार्यकारी निर्देशकको रुपमा चार वर्ष काम गरेर घिसिङ २०७७ साल भदौमा सेवानिवृत्त भएका थिए । प्राधिकरणमा रहँदा घिसिङले लोडसेडिङको अन्त्य, चुहावट नियन्त्रणमा सफल भएका थिए ।

नेता गुरुङको ट्वीटः ‘कुलमानलाई बिद्युत प्राधिकरणको कार्यकारी निर्देशकमा नियुक्ति गर्न प्र।म।शेरबहादुर देउवाको निर्देशन’ भन्ने समाचार पढियो।

धन्यवाद @PM_Nepal ज्यु! क्षमतावानलाई ठाउँ दिनु राम्रो हो।

प्र।म।को निर्देशन तुरुन्त कार्यान्वयन हुन्छ भन्ने विस्वास लिएको छु।