नेता कुँवरको निधनमा काँग्रेसद्वारा दुख व्यक्त

आगमनखबर संवाददाता

नेपाली कांग्रेस कास्कीले कांग्रेस नेता रामजी कुँवरको निधनप्रति दुःख व्यक्त गरेको छ ।

कास्की कांग्रेसका सभापति कृष्ण केसीले शोक विज्ञप्ति प्रकाशित गरी उहाँको निधनले पार्टीमा अपूरणीय क्षति पुगेको उल्लेख गर्नुभएको छ । विज्ञप्तिमा उहाँले आफ्नो जीवनकालमा प्रजातन्त्र र टे«ड युनियन आन्दोलनमा पु¥याउनुभएको योगदानको उच्च सम्मान व्यक्त गर्दै सदैव स्मरणीय रहने जनाइएको छ । कुँवरलाई निष्ठावान र इमान्दार नेताका रूपमा रहनुभएको विज्ञप्तिमा उल्लेख छ ।

विज्ञप्तिमा दिवङ्गत आत्माको चिरशान्तिको कामना गर्दै भावपूर्ण श्रद्वाञ्जलि एवं शोक सन्तप्त परिवारजनमा समवेदना व्यक्त गरिएको छ । काठमाडौँस्थित त्रिवि शिक्षण अस्पतालमा उपचारका क्रममा उहाँको सोमबार निधन भएको थियो । उहाँको मङ्गलबार पोखराको शान्तिघाटस्थित सेती नदी किनारमा अन्त्येष्टि गरिएको छ ।

नेपाली कांग्रेसको पूर्व आमन्त्रित केन्द्रीय सदस्य रहनुभएका नेता कुँवर हाल नेपाल ट्रेड युनियन कांग्रेसको सल्लाहकार हुनुहुन्थ्यो । नेपाली कांग्रेस महासमिति सदस्यसमेत रहनुभएका उहाँ पछिल्लो स्थानीय तहको निर्वाचनमा पोखरा महानगरपालिकामा नेपाली कांग्रेसका तर्फबाट नगरप्रमुखको प्रत्याशी हुुनुहुन्थ्यो ।

• Categories
• #समाचार