नेपाली काङ्ग्रेस रोशी-काठमाडौं सम्पर्क समितिद्वारा बधाई कार्यक्रम आयोजना

जिबन पाख्रीन तामाङ

काठमाडौं । नेपाली काङ्ग्रेस रोशी काठमाडौं जनसम्पर्क समितिले रोशी गापाका निर्वाचित पदाधिकारीहरुलाई बधाई दिने कार्यक्रम आयोजना गरेको छ ।

समितिले यहीँ आउदो असार २५ गते शनिबार काठमाडौं जडिबुटी रोयल बैक्वेट स्थित बिहान ११ बजे रोशी गाउँपालिका नव निर्वाचित अध्यक्ष,निर्वाचित वडा सभापति,वडा अध्यक्ष महाअधिवेशन सदस्य लगाएत वडा सदस्यहरुलाई बधाईदिने कार्यक्रम तय गरेको हो ।

कार्यक्रमका प्रमुख अथिति नेपाली काङ्ग्रेस केन्द्रिय सदस्य पुर्व तरुणदल सभापति जित जंग बस्नेत, विशेष अथिती नेपाली काङ्ग्रेस केन्द्रिय सदस्य गणेश लामा, काभ्रे जिल्ला सभापति एवम पुर्व सभासद तिर्थ लामा लगाएत अग्रज नेता पुर्व सभापति जिल्ला सदस्य गा पा अध्यक्ष वडा सभापति,वडा निर्वाचित अध्यक्ष सदस्य साथै नेपाली काङ्ग्रेस पार्टीका समर्थक शुभचिन्तकहरुको उपस्थितरहने जनाएको छ।

रोशी काठमाडौं जनसम्पर्क समितिका सभापति मनिश बल लगाएत नेपाली काङ्ग्रेस रोशी काठमाडौं जनसम्पर्क समितिका टिमद्वारा नव निर्वाचित पदाधिकारीहरुलाई बधाई तथा शुभकामना कार्यक्रम राख्न पाउदा खुशी लागेको बताएका छन।

नेपाली काङ्ग्रेस पार्टी जिताउनमा रोशी जनसम्पर्क समितिले ठुलो भुमिका खेलेको र अधिकांश वडामा निर्वाचित भएकोमा खुशी लागेको र आउदो मङ्सिरमा हुन लागेको निर्वाचनमा पनि सक्दो सहयोग गर्ने समितिका पदाधिकारीहरु बताउछन।

समितिले काठमाडौं भक्तपुर ललितपुर बनेपा धुलिखेलमा रहने रोशी गाउँपालिका भित्रका रोजगारी,व्यवसायीको सिलसिलामा रहनु भएको दाजुभाइ दिदिबहिनीलाई समस्या पर्दा समितिले सक्दो सहयोग गर्ने समेत बताएका छन।