खोटेहाङ गाउँपालिकामा जेठ २० गतेसम्म पुर्णरुपमा निषेधाज्ञा जारी

यज्ञ कुमार राई

खोटाङ । विश्वव्यापी महामारीका रुपमा फैलिएको कोभिड १९ संक्रमणको दोस्रो लहर तीव्र गतिमा फैलिरहेको र खोटेहाङ गाउँपालिकामा समेत संक्रमण पुष्टि भईसकेको सन्दर्भमा खोटेहाङ गाउँपालिकाको स्थानीय विपद् व्यवस्थापन समितिको शुक्रबार बसेको बैठकले खोटेहाङ गाउँपालिकामा जेठ २० गतेसम्म पुर्ण रुपमा निषेधाज्ञा जारीगर्ने निर्णय गरेको छ।

यसअघि नै गाउँपालिका मातहतका स्वास्थ्य संस्था बाहेकका सम्पूर्ण कार्यालय, विद्यालय, हाट – बजार, संघ संस्था, होटल रेस्टुरां, गेष्टहाउस, लगायत पसलहरु साथै हिंडडुल तथा आवतजावत एवं निर्माण कार्य बैशाख ३१ गतेसम्म निषेधाज्ञा जारी गरेको थियो

संक्रमणको दोस्रो लहरको असर गाउँपालिकामा समेत केही ब्यक्तिमा संक्रमण पुष्टी भएकाले रोकथाम नियन्त्रणका लागि आकस्मिक बैठक बसी सो निर्णय गरेको खोटेहाङ गाउँपालिकाका अध्यक्ष प्रदिप राईले बताए।

यस्ता छन आकस्मिक बैठकले गरेका निर्णयहरु:

१,गाउँपालिकाभित्र सञ्चालित औषधी पसल बाहेकका सम्पूर्ण पसलहरु , संघ , संस्था , शैक्षिक संस्था , होटल व्यवसाय , रेष्टुरा , गेस्टहाउस , मिति २०७८/०२/२० गतेसम्मका लागि बन्द ।

२,हाटबजार मेला , समाजिक तथा सांस्कृतिक पर्व , भोजभतेर , पुजाआजा , विवाह , ब्रतबन्ध , पास्नी लगायतका भिडभाड हुने प्रकृतिका सबै प्रकारका कृयाकलाप बन्द गर्ने ।

३,निर्माण सामाग्री , खाद्यान्न तथा पेट्रोलियम पदार्थ ढुवानी गर्ने साधन स्वास्थ्य सुरक्षाका मापदण्डहरु पुरा गरि चालक र सहचालकमात्र सवार हुने गरि सञ्चालन गर्ने र अत्यावश्यक अवस्थामा बाहेक अन्य सबै प्रकारका सवारी साधन सञ्चालन बन्द गर्ने ।

४,निर्माण कार्य , बाध्य हिंडडुल तथा आवतजावत कार्य बन्द गर्ने , अत्यावश्यक अवस्थामा घर बाहिर निस्कदा अनिवार्य रुपमा मास्क , पञ्जा , सैनिटाईजर तथा सावुन पानी जस्ता स्वास्थ्य सुरक्षाका उपायहरु अवलम्बन गर्ने । पुनश्च : माथि उल्लिखित सूचनाको उल्लंघन गरिएको पाइएमा प्रचलित कानून बमोजिम कारवाही हुने व्यहोरा समेत जानकारी गरेकोछ छ ।