नयाँ सरकार गठनको कसरत: काङ्ग्रेसले बोलायो पदाधिकारी बैठक

आगमनखबर संवाददाता

काठमाडौ । प्रमुख प्रतिपक्षी दल नेपाली काङ्ग्रेसले पदाधिकारी बैठक बोलाएको छ। बैठक आज दिउँसो ३ बजे देउवा निवाश बुढानिलकण्ठमा बस्नेछ।

विश्वासको मत गुमाएर प्रधानमन्त्री ओली पदमुक्त र कम्युनिस्ट सरकार ढलेसङ्गै देशमा नयाँ सरकार गठनको कसरत चल्न थालेको छ। राष्ट्रपति विद्यादेवी भण्डारीले बिहीबारसम्म संविधानको धारा ७६ (२) अनुसार दुई वा दुई भन्दा बढी दलहरुको सरकार गठनका निम्ति आह्वान गरेकी छन् ।

काङ्रेस यतिबेला आफ्नै नेतृत्वमा सरकार बनाउने रणनीतिमा लागेको छ। सरकार गठन सम्बन्धि रस्साकस्सि चलिरहेको बेलामा बोलाईएको बैठकलाई महत्वका साथ हेरिएको छ।

• Categories
• #राजनीति