• शनिवार, जेठ-१,२०७८ |
  • तपाईंको आगमन
  • हाम्रोबारे
  • हाम्रो समूह
  • सम्पर्क पृष्ठ

तपाईं यो पोष्ट साझा गर्न सक्नुहुन्छ!

आगमनखबर संवाददाता

धनगढी । कैलालीमा नेपाल प्रहरी र भारतीय लागुऔषध तस्करबीच दोहोरो गोली हानाहान भएको छ । भजनी नगरपालिका–३ को मोरिया घाटस्थित मोहना नदी किनारमा प्रहरी र लागुऔषध तस्करबीच दोहोरो गोली हानाहान भएको हो । 

तीन ग्राम खैरो हेरोइनको तस्करी हुँदै गरेको गोप्य सूचना पाएपछि प्रहरी नायब उपरीक्षक प्रेमबहादुर शाहीको नेतृत्वमा प्रहरीकोे विशेष टोली खटेको थियो । 

नेपाल–भारत सिमानामा पिल्लर नम्बर ७०७÷३ नजिक लागुऔषध तस्करलाई नियन्त्रणमा लिन खोज्दा तस्करले प्रहरीमाथि एक राउण्ड गोली प्रहार गरेको जिल्ला कार्यालय कैलालीका सह–प्रवक्ता प्रहरी निरीक्षक हिक्मत थापाले बताउनुभयो । 

‘त्यसपछि प्रहरीले जवाफी फायर खोलेको थियो’, उहाँले भन्नुभयो । ‘हाम्रोतर्फबाट तीन राउण्ड गोली चलेको छ ।’ दोहोरो गोली हानाहानमा प्रहरीतर्फ कुनै नोक्सान भएको छैन । तर, तस्करतर्फ एक जना घाइते भएको अपुष्ट खबर रहेको थापाले बताउनुभयो । 

चार÷पाँच जनाको सङ्ख्यामा रहेका तस्करले घाइते व्यक्तिलाई पनि आफूसंगै लिएर भारततिरै भागेको जनाइएको छ । घटनास्थलबाट प्रहरीले एउटा नपड्काइएको गोलीसमेत बरामद गरेको छ । घटना सोमबार अपराह्न साढे पाँचतिर भएको हो । 

कैलालीको टीकापुर र भजनी क्षेत्र पछिल्लो समय लागुऔषध तस्करीको ट्रान्जिट प्वाइन्ट बनेको छ । यसैगरी, कञ्चनपुरमा पनि भारतबाट लागुऔषधको तस्करी हुँदै आएको छ । केही हप्ता अगाडिमात्रै कञ्चनपुरमा प्रहरीको कारबाहीमा परेर भारतको एक लागुऔषध तस्करको ज्यान गएको थियो ।

सम्बन्धित पोष्टहरू
पत्रपत्रिका

‘पहिले मुद्दा फिर्ता त्यसपछि सरकारमा’

काठमाडौं । प्रधानमन्त्री केपी शर्मा ओलीले सरकारमा सहभागी हुन गरेको प्रस्ताव जनता समाजवादी पार्टी (जसपा)ले अस्वीकार गरेको छ । आफ्ना माग सम्बोधन भएपछि मात्रै सरकारमा …

स्थानीय तहको चार वर्ष : विकास निर्माण महत्त्वपूर्ण उपलब्धि

काठमाडौँ । स्थानीय तहको निर्वाचन भएको शुक्रबार चार वर्ष पूरा भएको छ । यस अवधिमा स्थानीय तहका संस्थागत संरचनाको प्रारम्भिक कामले तीव्रता पाएको छ भने …

मुख्यमन्त्रीको राजीनामापछि गण्डकीमा कसरी बन्ला नयाँ सरकार

पोखरा ।गण्डकी प्रदेशका मुख्यमन्त्री पृथ्वीसुव्वा गुरुङले सरकारलाई काम गर्ने वातावरण नभएको भन्दै आइतबार राजीनामा दिए । प्रदेश प्रमुख सीता पौडेलसमक्ष उनले संविधानको धारा १६९ को …

सगरमाथाको शिखर चुम्ने १२ नेपाली आरोही

सन् २०२१ को बसन्त ऋतुको पहिलो पटक १२ जना नेपाली आरोही गाइडले सगरमाथा हिमाल ९८८४८.८६ मिटर को सफल आरोहण गरेका छन। यो सिजनको बाटो निर्माणमा …