प्राकृतिक सहयोग कोषद्वारा आगलागी पीडित खोटाङका ४ परिवारलाई आर्थिक सहयोग

आगमनखबर संवाददाता

खोटाङ । प्राकृतिक सहयोग कोषले खोटाङ जिल्लाका ४ जना  आगलागी पीडित परिवारलाई आर्थिक सहयोग गरेको छ ।

आगलागीबाट बिस्थापित भएका केपिलासगढी गाउँपालिका ५ सप्तेश्वरका चन्द्रमणी राई  केपिलासगढी ३ बासपानीका थामबहादुर राई र पदमबहादुर खड्का दिक्तेल रुपाकोट मझुवागढी नगरपालिका ४ खाल्लेका रामबहादुर राईलाई कोषले आर्थिक सहयोग गरेको हो ।

खोटाङ सेवा समाज हङकङले स्थापना गरेको कोषमार्फत आगलागीबाट विस्थापित परिवारलाई प्रतिपरिवार १० हजारका दरले आर्थिक सहयोग गरेको खोटाङ प्राकृतिक सहयोग कोषका कोषाध्यक्ष युगसन किराँतले बताए । 

केपिलासगढी गाउँपालिकाका आगलागी पिडितलाई सम्वन्धित वडाका जनप्रतिनिधिको रोहवरमा सोही गाउँपालिकाका खोटाङ प्राकृतिक सहयोग कोषका प्रतिनिधि समिर राईमार्फत आर्थिक सहयोग प्रदान गरिएको कोषले जनाएको छ ।

• Categories
• #अर्थतन्त्र