प्रधानमन्त्री ओलीको चेतावनी : संसद पुनर्स्थापना भए आन्दोलनमा जान्छौं

आगमनखबर संवाददाता

काठमाडौँ ।  नेपाल कम्युनिष्ट पार्टी ( नेकपा ) का अध्यक्ष तथा प्रधानमन्त्री केपी शर्मा ओलीले प्रतिनिधिसभा विघटन सदर नभए आन्दोलनमा जाने चेतावनी दिएका छन् ।

‘चुनाव हुन्छ नै,  त्यसकारण तपाईंहरु आत्मविश्वासका साथ अघि बढ्नुस् , यदि कहिँ कुनै प्रकारको जालझेल, षड्यन्त्र, तिक्डम  सेटिङ केही भएर देश र जनताको विपक्षमा फैसला हुन्छ भने त्यसका विरुद्ध  फेरि पनि हाम्रो आन्दोलन अघि बढ्छ ।’ शनिवार विराटनगरमा आयोजित सभालाई सम्बोधन गर्दै उनले भनेका थिए ।

उनले प्रचण्ड–माधव समूहले आफ्नो पक्षमा कतिपयलाई झुक्याएर हस्ताक्षर गराएको समेत आरोप लगाएका छन् ।

प्रचण्ड-माधव पक्षमा रहेका पूर्वमन्त्री शेरबहादुर तामाङ र प्रदेश १ का प्रदेशसभा सदस्य उषाकला राई मुल घरमा फर्किएको बताए ।

• Categories
• #राजनीति