देउवाको चासो : नेकपाको वैधानिकता कसले पाउला ?

आगमनखबर संवाददाता

बुटवल । प्रमुख प्रतिपक्षी दल नेपाली कांग्रेसका सभापति शेरबहादुर देउवाले निर्वाचन  आयोगले नेकपाको वैधानिकताको बारेमा टुंगो नलगाएकोमा आलोचना व्यक्त गरेका छन् ।

नेकपा विभाजन भएसंगै नेकपाको वैधानिकता  (प्रचण्ड- नेपाल) ले पाउने अथवा ओली पक्षले पाउने भन्ने कुरामा यतिबेला निर्वाचन आयोगले निर्णय गरिरहेको छ तर अहिलेसम्म आयोगले कसको हुने भन्ने विषयमा निर्णय दिइसकेको छैन ।

निर्वाचन आयोगको ढिलासुस्तिपनालाई सभापति देउवाले आलोचनासमेत  गरेका छन् ।

अहिलेसम्म निर्वाचन आयोगले नेकपाको वैधानिकताको निर्णय नगरेको हुनाले  आयोगले निर्वाचन गराउनै नचाहेको त होइन भन्ने उनको आशंका छ ।

अदालतले संसद् फिर्ता गर्छ भने पनि हामीलाई ठीक छ, चुनाव गर भन्छ भने पनि ठीक छ । बुटवलमा आयोजित एक कार्यक्रमलाई सम्बोधन गर्दै उनले भने, ‘निर्वाचन आयोगलाई मतलब नै छैन । यो निर्वाचन आयोगलाई म यहीँबाट भन्न चाहन्छु, प्रधानमन्त्री ओलीले संसद् विघटन गरेको ६ महिनाभित्र चुनाव गराइसक्नुपर्छ ।’

सूर्य चुनाव चिन्ह एउटै रहको भन्दै उनले प्रचण्डलाई दिने कि ओलीलाई दिने छिटो निर्णय गर्न आग्रह गरेका छन्  ।

• Categories
• #राजनीति