मोरङमा महागुरु फाल्गुनन्द मुन्धुम बिश्वबिध्यालय स्थापना गर्ने बिश्व हिन्दु युवासंघको निर्णय

आगमनखबर संवाददाता

मोरङ। मिक्लाजुङमा महागुरु फाल्गुनन्द मुन्धुम बिश्व बिध्यालय स्थापना गर्न बिश्व हिन्दु युवासंघले जोड दिएको छ ।

बिश्व हिन्दु युवासंघले किरात नेपालको मेरुदण्ड हो – मुन्धुम हाम्रो ज्ञानको भण्डार हो भन्दै मोरङको मिक्लाजुङमा महागुरु फाल्गुनन्द मुन्धुम बिश्व बिध्यालय खोल्ने निर्णय गरेको हो ।

विश्व हिन्दू युवा संघद्वारा आयोजित ३३ औं शृङ्खलामा किराती सभ्यता मुन्दुम विश्वविधालय गोर्खा शीर्षकको प्राज्ञिक बहसमा किराती सभ्यता र मुन्दुम बारे आफ्ना विचार राख्दै हिजो पशुपति मृगस्थलीमा भएको उक्त प्राज्ञिक बहसमा शिक्षाविद् दर्शनविद् प्रा.डा. विधानाथ कोइराला , वरिष्ठ पुरात्त्व इन्जिनियर शुदर्शन राज तिवारी , स्वामी वासुदेव प्रपन्नाचार्य , आयोजक संस्थाका अध्यक्ष ऋषिकेशजङ्ग शाह र डा.भक्त राइ ले किराती सभ्यता , संस्कृति , मुन्दुम र मुन्दुम विश्वविधालयको आवश्यकता र महत्त्वबारे आआफ्ना विचारहरु व्यक्त गरेका थिए।

आधुनिक नेपाली राजनीति , नेपाली समाज , संस्कृति र दर्शन चिन्तनका जग बसाल्ने नेपालका आरम्भकर्ता किराती जातिलाई अत्यन्त महत्त्व दिर्दै किराती जातिको साँस्कृतिक , धार्मिक तथा दार्शनिक आधार मुन्दुमको समेत महत्त्व बुझेर मुन्दुम विश्वविधालय खोल्ने विश्व हिन्दु युवासंघको संस्थागत निर्णय रहेको बिश्व हिन्दु युवासंघले जनाएको छ।