दार्चुलामा आईतबार राती ट्रक दुर्घटना हुँदा चालक सहित ३ जनाको मृत्यु

आगमनखबर संवाददाता

दार्चुला । दार्चुलामा आईतबार राती ट्रक दुर्घटनामा परेको छ। गोकुलेश्वर बाट दार्चुला सदरमुकाम खलंगा तर्फ आइरहेको ना ३ ख ३४८५ नम्बरको खाली ट्रकमालिकार्जुन गाउँपालिकाका वाड नम्बर १ भर्तोला भन्ने ठाउँमा दुर्घटनामा परेको जिल्ला प्रहरी कार्यालय दार्चुलाका प्रहरी निरीक्षक एव सुचना अधिकारी पुष्कर ऐरीले जानकारी दिनु भएको छ । दुर्घटनामा तीन जनाको घटनास्थलमै मृत्यु भएको छ ।

मृत्यु हुनेमा बैतडीको दोगेडाकेदार गाउँपालिका वडा नम्बर ५ न्वाली घर भएका चालक २४ वर्षीय शेर सिह कार्की र अन्य नाम नखुलेका दुई जना रहेको जिल्ला प्रहरी कार्यालय दार्चुलाका सूचना अधिकारी एवं प्रहरी निरीक्षक पुस्कर सिंह ऐरीले जानकारी दिए ।

गए राती १० बजे ट्रक दुर्घटनामा परेको खबर प्रहरीलाई आएपछि धाप प्रहरी चौकी र दत्तु प्रहरी चौकीलाई दुर्घटना स्थलमा परिचालन गरिएको प्रहरीले जनाएको छ ।

प्रहरी टोलीले स्थानीय युवा क्लबको सहयोगमा विहान तीन बजे सम्म उद्धार गरि जिल्ला अस्पताल पुगाइसकेको जिल्ला प्रहरी कार्यालय दार्चुलाले जनाएको छ । ट्रक झण्डै १२० मिटर तल खसेको छ बताइएको छ ।

ट्रकको इन्जीनमा खराब भएको हुन सक्ने प्रहरीको प्राम्भिक अनुसन्धानबाट खुल्न आएको छ घटनाबारे थप अनुसन्धान भइरहेको जिल्ला प्रहरी कार्यालय दार्चुलाले जनाएको छ ।