नाईजेरियामा बोको हरामद्धारा ११० जनाको घाँटी रेटेर हत्या

आगमनखबर संवाददाता

काठमाडौं । गत शनिवार नाइजेरियामा आतंकवादी समूह बोको हरामद्धारा ११० जनाको क्रूर ढंगले हत्या भएको छ।

संयुक्त राष्ट्रसंघले यो हत्याको निन्दा गर्दै नाइजेरियाको अवस्थाप्रति चिन्ता प्रकट गरेको छ ।

अन्तर्राष्ट्रिय संचार माध्यमले बताएअनुसार खेतमा काम गरिरहेका मानिसहरुलाई हातखुट्टा बाधेंर हत्या गरिएको हो।

घटनास्थलमा सुरुमा ४३ शव फेला परेका थिए । तर पछि थप शव फेला परेर मारिनेहरुको संख्या ११० पुगेको संयुक्त राष्ट्रसंघले जनाएको छ ।

नाइजेरियाका राष्ट्रपति मोहम्मद बुहारीले किसान मजदुरको हत्या गरिएको घटनाको निन्दा गरेका छन् । उनले यो घटनाबाट सिंगो देश घाइते भएको भन्दै उनले दोषिलाई पक्राउ गरी सजायँ दिलाउने प्रतिबद्धता जनाएका छन् ।

• Categories
• #अपराध
• #देश–विदेश